الرئيسية / ثقافة و فنون / أشعار / “حابب كلامي يفوقك”.. شعر
الشاعر الغنائى الكبير الأستاذ محمد زهران

“حابب كلامي يفوقك”.. شعر

صدى الأمة

محمد زهران

 

 

 

 

١

حابب كلامي يفوقك

ايه اللي عندي يشوّقك

وتعودي ليه .

ما ترجعيش تشتاقي ليه

بس بصحيح

للصحبة في تراث الهوي !

للطاولة والقاعدة سوا

القهوة والسكر شحيح

و المعدة فاضية ف العِشا

(لليَكّ ثه . والدو جوهار)

والسهرة لطلوع النهار

أعلاها حظ كان ( الدوبار )

( والهبّ يكْ واليَكّ دو )

الزهر دا ملعون ابوه

لا مَرة( دُش. )

أو حتي ( بيش )

دايما معاند حظنا

وازاي نكون اتنين هنا ؟

هو الوحيد عارف يعيش !

تشتاقي ليه ما تقربيش

طب حد قال ؟ للزهر عيب

ماشي( القشاط) يزحف عجيب

هتقولي هات ومنين اجيب

ست البنات دايما مفيش

تشتاقي ليه ما تقربيش

٢

اللعب كله غلط

اللعب غش في غش

كوتشنتي فيها ولد

طاب ليه الشيبان بتقش

صفين عساكر حرس

واقفين قصاد الملك

وازاي تقولي كش

بتقولي ممسوك خشب

والزهر دُش ف دُش

اسكت كفاية بقي بطل تقول معلش

علمني مسك القلم

وابدر علينا ورش

اترك تعليقك هنا
Share
x

‎قد يُعجبك أيضاً

حكايتنا في النصيب

كتبت:حسناء مصطفى هناك من وجدت نفسها في قفص.. وهناك من وجدت نفسها ...