صدى الأمة تهنئ دولة الإمارات العربية الشقيقة بمناسبة عيد الاتحاد الـ48
مقالات الرأى

إكتئاب الإنتحار

إكتئاب الإنتحار

بقلم / أميرة يحيى

كلنا جت علينا فترة يأس وإحباط

وتفكير فى الإنتحار مش كفر وعدم

خوف من ربنا لاء دا شيطان اليأس

بيركبك ويوسوس لك ويسود الدنيا فى

عينك .

كلنا فى سن المراهقة دعينا على نفسنا

وفى كتير فعلا لجأ سواء لحبوب او اى

طريقة عشان يخلص من حياته .

كلنا مر علينا وقت ملقناش حد يفهمنا

ويعرف يحتوينا .

كلنا جربنا الجرح والوجع والبكى

وإحساس القهر .

كلنا مر علينا لحظة فقدنا فيها السيطرة

على نفسنا .

كلنا فكرنا اكتر من مرة فى الهروب من

آلامنا وأحزانا .

كلنا كان ممكن يبقى الشاب المنتحر لولا

ستر ربنا .

وبعد ما بنكبر شوية والحياة بتأخدنا

وتودينا ونجرب الأسوء ونتوجع بالأقوى

وكمان بنعيش لحظات كتير سعادة

ونجاح ونقابل اللى يحبنا ويسمعنا

ويعرف بكل الكركبه اللى جوانا يحتوينا

ويخرج بينا من العتمه ويورينا نور

الدنيا

وساعتها نضحك ونقول ربنا كان شايل

لنا الخير

ونرجع نتوجع تانى ونخسر أحباب

تانى وننجرح والجرح يلم لان خلاص

فهمنا ان هى دى الدنيا ناقصها الراحه

خليك أقوى من اى ضعف

خليك أكبر من اى وجع

خليك أمين على حياتك

عيشها بكل مافيها

ربنا سبحانه وتعالى لا يكلف نفسا إلا

وسعها

فلازم تخليك قدها

دى الحياة تهاب كل من لديه قدرة

 

Facebook Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: