صدى الأمة تهنئ دولة الإمارات العربية الشقيقة بمناسبة عيد الاتحاد الـ48
الشرقية

استغاثه إلى دار بسمه للإيواء من مواطن عثر علي طفل في شوارع الزقازيق

كتب” السيد عبدالعزيز 

استغاثه من مواطن شرقاوي عثر علي طفل في شوارع الزقازيق بالشرقيه 

وكانت رسالته ل صدي الامه بالحرف الواحد هي

جه سلم عليا وانا قاعد وضحك ف وشي وقالي عاوز حاجه وراح ماشي ناديت عليه اسمك ايه قالي محمد قولتله انت بتبيع المناديل دي قالي اه قولتله فين بابا وماما قالي مش موجودين قولتله بتنام فين ف شاورلي علي كوبري وكشك جمب المحطه قال بنام هناك طول الاسبوع ماعدا يوم الجمعه والسبت ف ست بتاخدني ابات عندها بس لما جوزها يسافر عشان بيزعق لما بيشوفني ف ببات ف الشارع وهي مدياني بطانيه ومخده المهم قولتل كلت قال اه قولتله كلت ايه بص ف الارض بكسوف قولتله مكلتش صح قالي اه ف اخدته الكشك وقولتله هات اللي نفسك فيه ف لقيته جاب بسكوتين وكانز شويبس وفرحه غريبه ف عينيه اديته مبلغ صغير ف قالي خد علبة مناديل رفضت وبعدين خدت المبلغ منه واديته اكبر فرح شويه وبعدين خدته واديته اكبر فقام باصصلي والدموع ف عينيه قالي انا بفضل الف طول اليوم عشان اجيب 3ج مكسب ف الكيسه دي كلها الفلوس دي هتجيبلي وتخليني اوفر وراح بايسني وقالي صورني معاك
معيطش انا قدام طفل ف حياتي ف شارع بس انت فعلاً وجعت قلبي وجع محسيتش زيه من سنين هو ف محطة الزقازيق كل يوم متبخلش عليه واما اليتيم ف لاتقهر وانا السائل فلاتنهر
هو نفسه يكمل مدرسه للي قدر يوفرله مكان ينام فيه او يساعده يكمل دراسته

استغاثه إلى دار بسمه للإيواء من مواطن عثر علي طفل في شوارع الزقازيق

Facebook Comments
الوسوم
إغلاق
%d مدونون معجبون بهذه: