مقالات الرأى

عطاء وفقد وأحتياج بقلم – مني الحديدي بنمر بمواقف كتير صعبة

بقلم - مني الحديدي

عطاء وفقد وأحتياج

بقلم – مني الحديدي

بنمر بمواقف كتير صعبة في حياتنا مواقف ممكن تكسر القلب وتقطم الضهر مواقف

تخليك تقف مع نفسك وتحاسب نفسك اد ايه قسيت عليها وظلمتها اد ايه كنت بتصبر

وتتحمل اللي ماتقدرش عليه


اد ايه ضحيت براحتك وسعادتك وهدؤك النفسي علشان المواقف دي تعدي وعلشان

تريح غيرك تريح ناس ليهم في قلبك مكان محظور لاي حد غيرهم 


بس صعب اوي انك تكون بكل التضحيه دي وتمر عليك حاجات صعبه انك تعيشها

وتحسها 


لأن ببساطه انت ليك قلب كله حنان وعطف واخلاص قلب مش قاسي ولا جاحد ولا بيبيع

بسهوله ولا بينسي اللي سكنوه 


ومن اصعب الحاجات اللي ممكن توجعك وتؤلمك انك تكون مخنوق ودموعك محبوسه

وجواك بتبكي وبتصرخ ومحتاج لحد يحضنك ويطبطب عليك ويحسسك انه جنبك وحاسس

بيك وسامع صراخك اللي جواك 


تحس انه جنبك في ضعفك قبل قوتك حد يفهمك ومش محتاج منك توضحله قصدك حد

بيعرفك من عنيك او رعشة صوتك يعرف تفاصيلك يحس بالأه اللي طالعه منك 


حد يحس بوجعك اول ماتقوله مخنوق يسيب الدنيا ويجري عليك حد يجبرك بعطفه

واهتمامه انك تعطي اكتر وتبدع في العطاء وتستمر فيه بتحتاج لحد يعوضك عن كل وجع

عشته او اي حزن كسر قلبك في يوم من الايام تلاقيه سند وضهر وقوة ومصدر الأمن

والطمأنينه ليك 


حد ينسيك مشاكل الدنيا ومتاعبها حد يسندك لو مالت بيك الدنيا او غدرت بيك 


حد يحسك وانت في حيره او ازمه وتلاقيه بيتصل بيك يقولك مالك انا حاسس ان فيك

حاجه
اد ايه الحياة تكون جميلة لما يكون فيها ناس كده في حياتنا ناس تفضل وتستمر وتدوم اد

ايه الراحة النفسية اللي ممكن تخليك تعيش عمرك كله تحس انك مسنود وقوي

ومفيش حاجه توقعك ولا تكسرك طول ما الناس دي في حياتك 


ودايما خليك فاكر ان الكلمة الحلوة مش بتتنسي زي الكلمة الوحشه بالضبط بيفضل

اثرها موجود 


خليك دايما حاجه حلوة في حياة اي حد يعرفك اترك اثر جواه وخليه دايما يحس انك رزق

ونعمة في حياته ويتمني دوامها 

خليك دايما جابر للخواطر ولو ماعرفتش تجبر خاطر حد ماتكسروش خليها من عباداتك

اللي بتحرص عليها 


لسانك الحلو ورحمتك واحساسك بغيرك ده من صفاتك الحلوة وقلبك الطيب اللي بتعامل

بيه الناس هو اللي باقي ليك وماتنتظرش مقابل من حد ربنا عنده الاحسن والأفضل .

 

عطاء وفقد وأحتياج
مني الحديدي

 

Facebook Comments
الوسوم

سلوى عبدالرحيم

نائب رئيس مجلس الإدارة العضو المنتدب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: