الصحة والجمالمحافظات

حرب الناموس بالاسكندرية غزو الناموس

حرب الناموس بالاسكندرية
غزو الناموس

كتبت / سما فتح اللهحرب الناموس بالاسكندرية غزو الناموس

من الملاحظ وجود أزمة ناموس اليومين دول بمحافظة الإسكندرية
طيب نعمل ايه ونتصرف ازاي❔❔

️أولا: الوقاية على قد مانقدر نبعد هذه الفترة عن الأماكن المفتوحة التي يكثر بها عادةً وجود الناموس خاصة بالمساء مثل الحدائق ونغلق النوافذ مساءً ونستخدم الناموسية على سراير الرُضّع ومفيش مانع من طارد الناموس الكهربائي نجيبه من الماركت أو الصيدلية ونحطه في الكهرباء في كل الغرف لأنه لا يقتل الناموس لكن يطرده “بيطفشه” برائحة المبيد إلا لو حد عنده حساسية بلاش حتكون شديدة عليه

2️طيب اتقرصنا خلاص نعمل ايه؟
️١.حناخد مضاد هيستامين بالفم مش الموضعي لأن الموضعي ملهوش أي دور في تثبيط إفراز الهيستامين المسؤول عن رد فعل الجلد للقرصة والهرش.
️احسن مضاد هيستامين في الحالة دي هي مركبات ال:
Loratidine , citrizine and fexofinadine
الكبار ياخدو قرص واحد قبل النوم يومياً او ق كل ١٢ ساعة لو الحالة شديدة لمدة ٧ أيام
الأطفال حنديهم قطرةdrops لو العمر ١٢ شهر اوأقل
أو شراب لو اكبر من السن دا (الجرعة حسب السن)

٢.حندهن كريم او لوشن ملطف طبي بعد استشارة طبيب أمراض جلدية

٣.حندهن كورتيزون موضعي فقط في الحالات الشديدة مرتين يوميًا لمدة ٥-٧ أيام

٤.حندهن مضاد حيوي موضعي فقط لو هرشنا وعورنا القرصة مرتين في اليوم لمدة ٥ ايام أو حتى التئام الجرح تماماً

٥. لو في تورم الكبار ياخدو اقراص alphentern
ق قبل الاكل بربع ساعة ٣ مرات يوميًا لمدة ٥ أيام والأطفال maxillase syrup
نفس الكلام والجرعة حسب السن

٦. نحاول نقاوم الهرش على قد مانقدر ونقول كدة للأطفال

٧. مفيش أي داعي للقلق إلا اذا وجدنا ورم في الجفون الناحيتين و/أو الأذن و/أو الشفاه و/أو صعوبة في التنفس و/أو حشرجة في الصوت ساعتها لازم ننزل الطواريء في الحال عشان حنحتاج ناخذ injection في الغالب

٨.لو لقينا القرصة عبت سائل او عملت فقاعة او لونها بقى اصفر او عمل قشور أو تحجر وألم و/أو قرحة مكان القرصة محتاجة اكشف عند طبيب امراض جلدية
ولو لاحظنا أي مشكلة في العين نكشف عند طبيب عيون

٩.لا داعي لتطهير القرصة بكحول او عطور أو بيتادين أو خلافه

١٠. نؤكد لا يتم استخدام مضادات الهيستامين الموضعية -ان صح التعبير- فلا دور لها إطلاقًا في تثبيط إفراز الهيستامين وأيضاً تسبب حساسية تلامسية للجلد فتزيد الحالة سوءًا

١١. ممنوع الدهانات أو وضع أي علاج حول العين باستثناء قطرات العين الطبية المخصصة لذلك بعد استشارة طبيب العيون
#منقول عن دكتوره/ولاءمنصور

Facebook Comments
الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: