صدى لايت

حكايات رعب صدى الأمة

حكايات رعب صدى الأمة

كتبت – إيمان العادلى

يالا بينا

هذه مدينة أشباح بقالها اكتر من 33 سنة مدينة أشباح .

سنة 1986 في شمال أوكرانيا، كان بيتم إجراء

محاكاة جوا مفاعل نووي اسمه تشيرنوبل ، اكتر

من 200 موظف كانوا شغالين هناك وقتها،

حصل انفجار في المفاعل وبدأ الإشعاع يطلع .

الموضوع الخاص بالحادث ده كبير جدًا وتأثيره كان

ضخم ، الناس اللي كانت اقرب ماتت ومات بعدها

اللي في الدوائر الأبعد واللي عاش، عاش بالسرطان ..

علشان اشرح تأثير الإشعاع اللي طلع محتاجة

مقالات اكبر من دي وبالتالي مقتبس مقطع اتقال

في المسلسل اللي شغال حاليًا وبيحكي عن

الكارثة دي :

الموضوع بيبدأ بحروق عالجلد، بتتحول لدمامل

ضخمة بتبدأ تاكل الجلد كله . بتسود بعدها وتبان

كإنها خلاص هديت . الشخص بيبدأ يفوق لمدة 48

ساعة بالظبط، مجرد 48 ساعة . بعدها احشاؤه

الداخلية كلها بتنصهر، الأوعية الدموية داخل

جسمه كلها بتنفجر لدرجه انه بيبقى مستحيل

تحقنه بالمخدر علشان يواجه الألم اللي هو فيه

حتى .. بعدها بيموت . “

اخدتوا فكرة عن المنظر هناك ؟ ، تمام .

اقرب مدينة للمفاعل كانت بريبيات أو Pripyat ،

المدينة اتبنت عام1970 وكان عايش فيها حوالي

50 الف شخص . منهم 5000 طفل متعداش

المرحلة الابتدائية .

المدينة دي أول مكان اخد جرعة الإشعاع . ومنها

جه رجال الإطفاء والإسعاف والتمريض اللي كانوا

بيحاولوا يسيطروا على الكارثة وقت انفجار المفاعل .

سكان بريبيات كلهم اتهجروا منها بعد انفجار

المفاعل ب 24 ساعة ، وفجأة !! .

سابوا بيوتهم ، ممتلكاتهم ، الأكل عالترابيزات ،

الكراريس والشنط في الفصول ، اموالهم

وملابسهم وكل حاجة تخصهم تركوها هناك

والمدينة من وقتها مقفولة .

مستوى الإشعاع فيها مازال عالي حتى يومنا ده ،

مش بنفس المستوى اللي كان فيه وقتها طبعًا

بس مازال عالي ومازالت مقفولة ، الرحلات

السياحية اللي بتتم ليها بتبقى تحت اشراف

ولأماكن معينة بس ، مش المدينة كلها .

الأموال والجواهر و الأشياء القيمة الخاصة بالعائلات

تم نهبها من المدينة في الشهور اللي بعد الحادث

أو اتجمعت وتم التخلص منها بسبب الاشعاع .

كل حاجة تانية فضلت زي ما هي من يومها كشاهد

على الناس اللي بين يوم وليلة حياتهم كلها اتدمرت .

الناس اللي ماتت في المكان والناس اللي عاشت

بعدها وماتت بالتشوهات والسرطان سواء اطفال أو كبار .

90% من المدينة مقفول وممنوع دخوله .

الجزء اللي مسموح بدخوله لازم احتياطات ولازم

يكون معاك جهاز قياس اشعاعي .

المسلسل اللي شغال حاليًا بيصور الكارثة

بالتفاصيل ، حاولوا تتفرجوا عليه اسمه chernobyl

سهرة سعيدة .
حكايات رعب صدى الأمة

https://www.sadaelomma.com

https://twitter.com/sadaaluma

الوسوم

اترك رد

شاهد أيضاً

إغلاق
إغلاق
%d مدونون معجبون بهذه: