فضفضة

همسه في اذن حواء

همسه في اذن حواء

كتبت / مني الحديدى

ماتجيش علي نفسك أوي وتاخدك البطوله والتضحيه

وزي مابتدي كل واحد حقه

اعطي لنفسك حقها ..ايوة نفسك ليها حق عليكي ..ومش علي طول


كده تأجليه !!! ..صدقيني اهتمامك 


بنفسك وبحقوق نفسك عليكي هيخليكي تعطي اكتر وبسعادة ورضا

 

بلاش ساعة االاكل تفضلي رايحه جايه تلبي طلبات كل اللي قعدين

وتقولي المهم انتو تاكلوا ومش مهم انا !! لاء تقديرك لنفسك هيخلي كل اللي

حواليكي يقدروكي

بلاش لما تتعبي وصحتك تقع تيجي علي نفسك وتقومي ناقصه راحه علشان

تخدمي اللي حواليكي ..اعطي لنفسك حقها وقت مايكون ليها حق عليكي

بلاش تفضلي تهتمي وتهتمي وتنتظري شويه اهتمام او تقدير وكأنك بتشحتي

اه والله كأنك بتشحتي وتفضلي تخلصي وتتفاني في الاخلاص ومش بتلاقي

غير كسر لقلبك واستهتار بمشاعرك

لما تلاقي كده اقعدي مع نفسك وعيدي حساباتك !! اكيد انتي بتعطي لحد

ماعندوش استعداد لايهتم بيكي ولا يحافظ علي مشاعرك وكسرة قلبك عنده

عادي

ولما اللي منحتيه كل اهتمامك واخلاصك يعمل تصرف يزعلك او يضايقك عاتبيه

وقوليه ده بيزعلني وبيجرح مشاعري

ولو كرره تاني عاتبيه تاني وهيوصله من عتابك مدي حرصك علي الاحتفاظ بيه

ده اذا كان فعلا ليكي مكانه عنده

اما بقه لو كرره تاني اعرفي انك عادي بالنسبه له مايفرقش معاه لامشاعرك

ولا زعلك ولا وجودك اصلا

ومنتهي الغباء منك انك تفضلي تعاتبي علي شئ واحد مليون مره

وهو يكرره برده مليون مره لازم تفهمي

ان اللي بيحب حد بيخاف اوي علي قلبه من الزعل ..بيخاف علي مشاعره

بيكون هو من اولوياته وفي بداية قائمه اهتماماته

واذا كان قلبك خايب ومش قادرة تاخدي قرار وسيباه كل يوم يجرحك ويكسرك

..صدقيني انتي كده خلاص بالنسبه ليه مجرد شئ علي الهامش ولو ماكان

ذلك ما اهمل قلب نبض باسمه

اهتمي بنفسك وبخصوصياتك وماتسمعيش كلام لحد ..طالما مش بتأذي حد ولا

بتغضبي ربنا

البسي حلو اهتمي بشعرك وببشرتك وبكل خصوصيات جمالك كمرأه ..ومش

لازم ابدا انك لما تلبسي وتتشيكي يبقي علشان حد لاء ..ده لنفسك انتي انتي

امرأه جميله ربنا منحك الرقه والجمال والانوثه خدي بالك منهم وقيميهم

خدي بالك من شخصيتك ..خليكي قويه برقه ..جميله بعزة وكرامه ..

مبتسمه مشرقه …خلي قلبك كبير لكل اللي حواليكي بس اوعي تفرطي في

كرامتك او كبريائك

وصدقيني طول ماهتدي لنفسك حقها عليكي هتكسبي اهتمام اكتر من اللي

حواليكي.

 

 

 

Facebook Comments
إغلاق
%d مدونون معجبون بهذه: