جوزك تاج راسك وراسمالك
بقلم / شيرين راشد
خدي بالك من نفسك وعيالك وإنسي جوزك حبيبك وراسمالك
واحذرى تبكي عليه لو راح لوحده غيرك تقدره وترضيه لومي علي نفسك وبلاش تلومي عليه ماهو إنتي إلى بإيدك ضيعتيه ،قولتلك من زمان جوزك طفلك وحيدك محتاج حب وحنان وكل مايكبر وتمر به الأيام يحتاج أكتر إهتمام وإذا قصرتى في طلباته وأهملتيه هايدور علي راحته ودا حقه وشرع ربنا ليه .
فإذا غاب عنك ونساكي بسرعه بأنوثتك ونعومتك ودلالك فكريه إستخدمى كيد النساء ولحبك رجعيه ,كوني أم وصديقه وحبيبة قبل ماتكوني زوجه ليه ..
ولو في شده اسنديه ودعميه ولو معصب بكلامك الحلو هديه واسمعي شكواه وخفيفي همه وراضيه
كوني أنثي بجد وافهمي نظرة عنيه خليك مرحة بشوشه و بأجمل إبتسامه قابليه هزري واملئ حياتة سعاده واسعدي به و إذا جابلك كتير أشكري وإذا كان قليل إمدحي فيه ....
ولو قصر معاكي إياكي تحرجيه ، ولو غضب منك فى يوم ورماكى بشوك إزرعى ورود وإهديه ..
ولا تفكري تعملي راسك براسه وتكونى سند ليه ساعتها يا حواء بجد هتسقطي من نظره وتخسريه .
خليه يحب نفسه وأولاده وبيته ويفضل فيه حاولي بطبعك الحلو ورقتك وحنانك تفوزي بقلبه وتكسبيه وبكده هايعشق وجودك قربه وتتهني به .
مش عيب تقولي له بحبك وتغزلي فيه العيب إنك تشوفي نفسك وعيالك وتضحي به
لازم تكوني ست بجد وإهتمامك بأنوثتك هو أول إهتمامك به خليه دائما مشتاق لكى ولقعدتك جانبيه وضحكى و نور حياته و دنيته وإسعد لياليه.