recent
عاجـــــــــــــــــــــــل

عجيبه يادنيا

الصفحة الرئيسية

 عجيبه يادنيا 




بقلم / جمال القاضي

عجيبه يادنيا

الكل بيقتل

أرواح وبريئه

باسم الدين

ويقولوا عليهم

ثورين ومجاهدين

لما تشوف في عراق تفجير

ايه ذنب الطفل هناك

هل ذنبنه إنه

كان ماسك لعبه

ويلعب بيها بإيده

ايه ذنب الشيخ الماشي

وفي إيده عصايا

ويسند بيها أو يتحسس

بيها طريقه

تفجير وفي لحظه

أصبح فيه الكل

في بحر الدم غريق

كأن الدم نهر ويروي

جفاف الأرض

بس الأرض بريئه

لو كان فيها أصوات

كانت صاحت بعلو الصوت

وقالت ليه تهدر دمه

ده مسكين وماله ذنوب

ليه تهدر دمه بقسوه

وتخليه من جرحه يقاسي

ويقابل موته

آه لو كانت ماسكه ساعتها

بإيديها سلاح

كانت ردت بقسوه عليهم

ودفنت فيها أجسادهم

والخاينين ياحسره عليهم

قالوا عليهم ثورين ومجاهدين

لو صح كلامهم زي ماقالوا

غزه بصوتها فضلت دايما

تنادي سجونها عليهم

كان الصوت بيقول

فيا طفل أسير

فيها عجوز من مرضه يقاسي

وزوجه كمان مسكينه

عاشت من الوحدة تعاني

فريسه وصارت للفقر وجوعها

ينهشوا فيها وقتلوا أمالها

ولاجولان وهضابها

فيها الكل أسير أسلاكها

وتنادي النجده وماحد سمعها

وقالوا عليهم

دول ثورين ومجاهدين

وسوريا كمان ماتسمع فيها

غير أصوات لمدافع

والناس نايمين

كانوا فاكرين إن الدنيا

هتضحك ليهم

بس رصاص المدفع  طايش

مايفرق بين صاحي ونايم

بين الأهل عامل فجوه

ومن شدة خوفه أصبح هارب

وحتى الأرض الكل هجرها

بصحاري ساكنين

غربه وذاقوا مرارها

يوم ورا يوم

بس أمله لبكره

الجو بيهدأ ويرجع تاني

كل غريب يسكن داره

ويزرع أرضه

ولسه أملهم زي سراب

وأصبح حالهم يقطع قلب

وكل العالم على مرأى ومسمع

وياحسره عليهم

إيه كان منهم كانوا ساكتين

الكل يدين وخلاص

مات فيهم حس النخوه

مات فيهم حتى كلامهم

وكل شريعه لدين

نسيوا كمان تعاليمها

كلمه أقولها عليهم

بكره هيحصل فيكم

زي ماكانت عيونكم ليهم شايفه

وتجنوا ثمار مازرعتم

طرح وشوكه يجرح فيكم

وينزف جرحه جوه قلوبكم


عجيبه يادنيا


google-playkhamsatmostaqltradent