يوم ماشوفتك
بقلم:كاميليا محمود عبدالرحمن
من يوم ماشوفتك وقتها
شوفتك حنان شوفتك أمان شوفتك دفا
شئ جميل مش من هنا
جواك براءة مش ممكنة
تشبهلي ف شكلي زمان
لقيت روحك هي روحي
متحاصره بين أربع حيطان
لقيتك دفا ف عز الشتا
وكنت وقت الحر ضل
ووقت شمسي كنت ضلي
شوفت بيك معني الحياة
من طفولتي من برائتي
من شقاوتي الزايدة عادة
لما شوفت عنيك بتضحك
قلبي كان مليان سعادة
لقيتني بسمع أفكارك من غي ما آمل
شوفت حبك شئ وراثي
زي حب ماما ليا وحب بابا وكمان أخويا
لماشوفتك أول مره
لما جيت سلمت عليك فاكر المرادي
مكنتش أول مره أشوفك زي ماأنت كنت فاهم
كنت بشوفك ف نين عيني لما المرايا تبص ليا
ودا مش شئ غريب ولا يحير
حتا من قبل ما الأقيك
كنت ملاكي وكنت سهري ف عز ليلي
لما تزورني أفكار خيالي
دايما كنت بشوف عنيك البني دول
مش بس بردو عنيك
كنت بشوفك ف موج البحر وأقول دا مين
كنت بشوفك ف كل وردة بحبها
بشوفك مع كل بلونه بشوفها مكاني طايره ف الهوا
ولأني حبيتك وبحبك جدا
جوايا حاجات متتقلشي
لكن تتحس بإحساسك
وانا مهما أوصفلك أحساسي
عمر إحساسي ماهينصفني
علشان حبيتك بالفطرة
وأنت ف حياتي أساسي
وحبيبي ومصدر قوتي
وحبيبي ومصدر قوتي
