"الغلط مبيحصلش مرة واحدة"
بقلم ـ حنان عصمت
تلاقي حد يقولك " عمري ما تخيلت ان انا ممكن اعمل كده❗️"
او حد تاني يقولك
"انا معرفش انا عملت كدة ازاي❗️"
هي فعلا مش مصدقة هي ازاي وصلت للمرحلة دي..
❌بس يا تري
ايه السبب‼️
السبب هو اننا مش فاهمين نظرية "الحدود"
👇👇👇👇👇👇👇👇👇👇👇👇👇👇👇
⚡️فيه شوية حواجز موجوده بينا و بين الناس و الحواجز دي بتتشال بالتدريج ..في مننا الواعي بدا و بيبقي عارف امتي يشيل الحواجز و موافق علي شوية حواجز و حواجز تانية لا او رافض يشيل الحواجز و عايز العلاقة تبقي في اطار سطحي او رسمي
( و النوع دا ميتخفش عليه)
⚡️و في مننا اللي بسيب نفسه او بيكون مغيب او مش فاهم
فبيكون فيه طرف متحكم و طرف مستسلم؛
الطرف المتحكم بقي يشيل الحواجز بطريقته و بيحطها لما يحب و يقرب لما يشتاق و يبعد لما يزهق و الطرف المستسلم مش فاهم بس يفرح لما الشخص يقرب و يحزن لما يبعد و هو سايب حدوده كده مفتوحه لمن هب و دب ..الطرف المستسلم محتاج يحط حدود و يعرف هو عايز الشخص دا فين بالضبط من حياته ...
⚡️في برده نوع تاني من اختراق الحدود و غالبا بيكون من الطرف الذكوري في العلاقة؛
فتلاقي واحد يصطاد نقطة ضعفك سواء بقي احتياجك لكلمة الحلوة او اهتمام او ترقية او اي حاجه و يبدأ يخترق حدودك و يجرب معاكي مره و لما ميلقيش منك رد فعلا قوي هيبدأ يخترق حدودك اكتر و تلاقي نفسك بتتشدي و فجأه بتبقي في نص البحر لا عارفة ترجعي علي البر و لا قادرة تكملي فتسيبي نفسك تغرقي اكتر و كل دا بسبب انك مأمنتيش " حدودك" كويس..
⚡️ و في بقي الناس اللي بتعرف تقرأ الاشخاص كويس و غالبا بيكونو من النساء
فتلاقيها فهمت ان الشخصية دي ذوق و طيبة و مش بتعرف تقول "لا" فعادي بقي اخترق حدودها و ازورها في اي وقت
او اطلب منها اي حاجه
او اخدها معايا مشاور تسليني عشان هي مش بتعرف تقول "لا"..
و النوع دا من النساء بيحتاج وقفه وطول ما انتي سايبه حدودك مفتوحه هتبقي مباحة للجميع بلا احترام لخصوصية حياتك....
⚡️ الحدود مهمه بعد انتهاء العلاقات و خاصة ً علاقات الزواج او الحب او الخطوبه اذ كان الشخص دا في مجال العمل او العائلة ...
فمينفعش اللي كان خطيبك يرجع يكلمك بالساعات زي ماكان ايام الخطوبة و مينفعش تفتحي اي باب او صلة بحد اصبح من الماضي و بذات لو كان بينكو مشاعر عشان الباب دا هيفضل معلق حياتك ..
❌فلازم تتعلمي ازاي تبني الحدود...
🤗من الآخر؛
⚡️العلاقات اللي مفيهاش حدود نادرا ما تستمر
و العلاقات اللي بيكون فيها الحدود واضحة و تحترم من الطرفين غالبا بتستمر ..
#افهمها_تعيش_مرتاح
#انشرو_المعاني_الجميلة_للحياة
#علاقات
#فن_الحياة