رح ضل واقف عالدرب
بقلم:نادر منجة
رح ضل واقف عالدرب أتأمل وناطر
تايفل هالماضي ويطل هالحاضر
ياريت لو بيعجل بخطواته المفتون
وبالخير يدفق متل هالغيم هالماطر
ما رح نقصر بواجبو للضيف
وكرومنا تعمر شتي مع صيف
ياحيف لو تغدر وتخدع ياحيف
ياريت معنا عالوفى شطار نتشاطر
شو بينفعك لو أهل هجروا ديار
ومن سما ليلك فارقت أقمار
خليك طيب وفيك نحنا كبار
والحق عمرو ماطلع خاسر
يلله تعا لنكفكف الدمعات
ونزرع فرح بزنود مسمرات
الماضي رحل ولى ومات
واليوم نحنا زهور هالحاضر
