( في ذكرى النصر)
بقلم -جمال القاضي
كانوا يقولوا علينا
علطول بنخاف
مش فاهمين
مش عارفين مين بنكون
إحنا خير جنود الله بالأرض
جنود بتحارب
في كل مكان ينادي عليها
وهدفنا النصر
لتحرر أرض
غصبها عدو تحت مزاعم
إنها دي أرضه
وقالوا علينا ضعاف
وشعب جبان
هنضرب فيهم بكل مكان
حتى القلب نرميه
برصاص الغدر
راحو ليبنوا جسور وطريق
بكل نواحي سينا الأرض الغاليه
أفتكروها ليهم دايمه
راحوا يقيموا معابر
ويمشوا عليها بس بخوف
وعلى طول الجسر
حطوا تراب وقالوا عليه
بارليف دا إسم الخط
وقالوا عليه خط حصين بنظرهم
يمنع عنا أي هجوم
وعمر ماحد يفكر يعبر منه
وفي الأرض كتيبه هناك
وعساكر ليهم ليل ونهار
تشرب خمره
نسيو إننا علطول صاحين
ومش نايمن
وساعة الصفر
كل جندنا عبور بالأمر
ومن فوقهم أسراب طيران بتحلق
تضرب ضربه مش بتخيب
صوب هدفها حتى البحر كمان
كان من كتر الضرب
مولع نار من تحت لفوق
ورغم صيامهم ورغم عطشهم
مش حاسينه
كانوا ناسينه جند
أصل أفكارهم عزيمه ونصر
مش غدر زي طباع عدو الأرض
وبعد ثواني عبرنا قناة
والناحية التانيه
سمعت أصوات بتهز قلوبهم
صوت بيهز الدنيا ساعتها
ألله أكبر الله أكبر وعبرنا الجسر
وحطمنا الخط مش بكتير
بشوية ميه من جوا البحر
ذاب للخط ترابه
وشوفت النصر جوه عيونهم
محمد كان إسم الجندي
بإيده علمنا رافعه لفوق بيرفرف
وعلامة نصر لمصر
وجنودنا بتهجم تقتل كل عدو
تشوفه عيونهم
حتى كل حصونهم راحت
إتحطم فيها كل سلاح
فتحت الراديو لاقيت
أصوات بتنادي بخوف
كفاية الضرب ورافعوا إيدهم
وقالوا خلاص هنسيبها ونمشي
إستسلمنا وقولنا هزمونا جنودهم
وكانت ضربة لجيشهم
وعلامة نصر لمصر تبقى تاريخ
يفضل ليهم ذكرى يفتكروها
علامة القوة للجندي المصري
ويحكيها تاريخنا لكل أولادنا
بحبك يامصر ياأمي
يأم الدنيا بخير أجنادك وجيشك
عزه لمصر نرفع بيها
راسنا لفوق بكرامة وفخر
-----------------------------
مع أرق تحياتي ( جمال القاضي)
