الماسنجر لا عيب .. ولا حرام
بقلم / شيرين راشد
دي وجهة نظر تمام الماسنجر لا عيب ولا حرام طيب يا راجل ياهمام..
تعمل إيه لو دخلت البيت ولقية مراتك أو أختك بتتكلم مع راجل علي الخاص هي كمان
ساعتها بس هتعرف ليه هو مايصحش وحرام لأن لو فيه واحد هنا محترم فيه الف مرضي ومش تمام يبقي ليه نعملها حقل تجارب ونكلم فلان وفلان ..
وأنت يا عاطفي ورومانسي يافارس وخيال هربان من فشلك في الواقع وبتدور علي فريسه سهله تعيش معها قصة غرام وتدوب حنان تقربها منك أوي وفجأة تهدم بأيدك قصر من الأوهام..
ماهو أنت كنت الأول تحلم تكلم برس ماشي في الشارع ..
لكن دلوقت بكلمتين وورده علي الخاص تعيش أجمل حكاية غرام أصل الستات غلابه وبتصدق كله قوام وكلام يجر كلام وسهر وضحك ووعود كلها كدب في كدب والله حراااام ..
وفجأة تختفي وتبدأ مع غيرها من تاني نفس الكلام ..
إلا اللعب بالمشاعر يا سيد الرجال وخليك فاكر إنه" كما تدين تدان "..
وليه تدخل خاص لصديقه تعبانه في حياتها ولايعلم بظروها إلا الرحمن وتقربها منك حبه حبه وتعشمها بالحب والعوض والحنان
ياتري بتضيع وقت معها ولا بتختبر قدراتك ياماهر في الرجوله وصيد الغزلان ...!!
يا ألف خساره علي المروقه والشهامه ....
مش جدعنه منك كسر قلب ضعيف يتمني صدق إنسان ..
وعشان كده رافضة مبدأ الخاص تماام وبقول لأي صديقه فوئي لنفسك إحنا في زمن الصدق فيه حرام ..
والملائكه مابسكنش الأرض يا مدام