متشكرين يادنيا
 |
| إضافة شرح |
بقلم -شيرين راشد
هاطق من السعاده وهاموت م الإنبساط
ولا هشرب قهوة سادة ولا هسكوت ع الي فات ..
أيامنا تشبه بعضها ويزيد علينا همها وفي كل يوم يمر نحلم بكرة حلو يجي أصعب م الي فات .
عديت ياعمر بدري وكان كلك آهات نفسي أفرح يادنيا ولو حتي ساعات
تعبانه نفوس كتيرة كان نفسها ترتاح وتتمني لحظه حلوة وتدوق طعم الأفراح ، شكيتك لله يعذاب حجبت عنا الفرح وهلكت قلوبنا جرح .
إنسانا بقا وإرتاح وكفانا بيك جراح الكل ليه موجوع هو أيه الموضوع إفردي وشك يادينا وكفاية قسوة ومر .
وعشان نكون تمام مطلوب منك ياغاليه معلقتين حنان وشوية من الأمان وعليهم رشة فرح .
طلعتي روحنا يادنيا وعملتي معنا الصح لكن مهما تعملي فينا هانصبر عليكي شوية ومسيرك هتحبنا .
وهاطق من السعادة وهاموت م الإنبساط ولا هشرب قهوة ساده ولا هاسكوت ع الي فات ، وهافرح غصب عنك وهعلي ضحكتي ولو جدعه يادنيا أخنقي فرحتي .
يا منتظرين السعادة إخطفوها من الأيام ولو ماقبلتهاش في الواقع عشوها في الأحلام العمر مرة واحدة مش مرتين لو ضاع منك يا طيب هاتشوفه تاني فين ....؟!
ماعدتش وقت تقف وتندم علي الي فات كمل حياتك وانسي كل الذكريات وكن عنيد وشديد واضحك أوي من قلبك واصنع لنفسك عيد وكون دايما سعيد
