أحمد أبوالعلا.. يكتب كلمتين وبس
الإعتذار مقبول .... و طبعا ده بعد أذن الناس و من قناعتي المتواضعة ، و كل ده ليه لإرسال رسالة للجميع كل معانيها توصل لباب أسمه .. التسامح .. لأن أعلى قيمة من قيم الإسلام و إللى علمهلنا صاحب القضية سيد الخلق محمد عليه السلام، و ارجعوا لكتب السيرة النبوية، و بما أني مش شيخ مش من الطبيعي أدخل فى تفاصيل دينية أكتر من كده .
بس موضوع الشاب يوسف إللى أساء للرسول و بعد القبض عليه من جانب أجهزة الدولة للتحقيق معه ، طالعتنا الأخبار أنه تم أطلاق صراحه بعد ما قدم إعتذار مع عدم تكرار ذلك، من رأيي المتواضع و إللى بيمثلني أنا فقط أنه عين العقل لإرساء و توثيق مبدأ التسامح و العمل به على طريقة الرسول و حسب تعاليم الاسلام السمحة، و منها رسالة للناس إللى جوة و برة علشان يعرفوا فعلا المعنى الحقيقي للإسلام و المصريين علشان كده إعتذاره يا ريت الناس كلها تقبله .