بحبك بلادي
بقلم- جمال القاضي
بحبك بلادي
يامصر ياأمي
بحبك بشمسك وزرعك
بحبك نهر ودايب في دمي
وماشي بوريدي
بحبك لما تنادي
وصوتك نشيده
بلادي بلادي
بحبك بقربك وأحس بدفئك
لما أسكن ديارك
بحبك بضحكه
ونورها رسمها
قمر الليالي
بأجمل ملامح
بحبك ولما لوطني
أهاجر وأبعد أحس
بحنينك عليا ينادي
أحبك وأداري
دموعي عليكي لأني بخاف
دموعك لحزني
تنزف معايا
بحبك تراب لما يغطي
جسد الحبايب
بحبك غصون
يلون ورودها ربيعك
ومسكه هو عبيرك
بحبك بجندي رافع سلاحه
بقوه وعزيمه
وعن عرضك وأرضك
رايح يدافع
بحبك رغم جراحي
ورغم أنيني
لم أشوف لعفافك وطهرك
خاين يقطع ثيابك
بحبك وضحكي معاك حكايه
بحبك بليل فيه الزحام
وسط الشوارع وسهرة جميله
معاك بلمة تكون
للمة حبايب
بحبك وصوتك وصورتك
طبع بخيالي
وفرحك وحزنك
باقي بقلبي وساكن كياني
