نِعَمَك يارب
بقلم-محمد عناني
نِعَمَك يارب كتير ما تتحصرش بِعَد
ظاهره فى كل الكون ماليها أبدا حد
حتى النَفَس والهَواَ نِعمه عظيمه بجد
وعنينا بيها النظر ولسان لوقت الرد
وإزاى بنمشى بقدم وبنجرى ولا نِمد
وعظام كتير فى الجسد وبينتنى ويتمد
وكل ما فى الوجود على قدرتك يشهد
والشكر لو عُمرِنا ما يوفى فضلك رد
أمرك مُطَاع فيكون حتى الجبال تِنهَد
ويكون جميع البشر بالأمر تدخل لحد
يارب تجعل مابينا وما بين عذابك سد
يوم الحساب اللى فيه كل الحقوق تترد
يشملنا نور رحمتك مافى لأمرك رد
سبحانك إنت العظيم والصمد والفرد