افتكرتك
بقلم-سحر ابوالعلا
افتكرتك
عدي عليا ادام عنيا
شريط الذكريات
كل حاجة عشتها و كل كلمة قلتها
حتي السكات
كل حاجة معاك حلوة حتي الدموع
صوت الآهات.
صوت المطر ليلة شتا و فيروز
يا جبل اللي بعيد
لسة حبك جوة مني بيسري
فى الوريد
لسة صورتك هي..هي
جوة مني
لسة رغم سنين البعد
بتسكنيني.
لسة قلبي رافض فكرة
البعاد
و انت قلبك فى الغياب
زايد عناد.
لسة بفتكرك و اغني
لسة فاكرك غصب عني
لسة عاشقك لسة عاوزك
جوة دمي بيجري حبك
جوة منك حاجة مني
و لا خلاص قلبك قسي
و استغني عني.
