بقلم - شيرين راشد
لا تحسبوا أعمركم بالسنين لأن في ناس ضاع من أعمرها سنين كتير إحسبوه باللحظات الجميلة ال عيشنها .
وحدد عمرك أنت بإحساسك حاول تفرح تسعد تتهني بأوقاتك فكل لحظة تعدي هي جزء من حياتك.
ياما فيه ناس تشوفها ماتصدق أبدا عمرها من حبها للدنيا وروحها ونفسها وناس في العشرين تحسبها أكبر بكتير في مظهرها من سنها الأول أهتم بنفسه وحبها والتاني أهملها وكسرها ولا حسها .
ومادام لا حب ولا صداقه ولا موت بعمر ليه نشغل بالنا بعمرنا فرسول الله حب خديجه واتجوزها ولاأهتم بعمرها ولما ماتوا أولاده طفولتهم ما بعدت الموت عنهم وسيدنا الخضر صاحبه موسي وكان أكبر منه ولا فرق معاه كم سنه .
ياما فيه ناس كبيرة وعقولها علي قدها وشباب عباقرة رغم صغر سنها .
فالعمر ياساده مهم جدا في التسنين والتطعيم ودخول المدارس والجيش والتعيين وفي إضافات المواليد في التموين وغير كده مش عايزين .
فعيشوا حياتكم وإسعدوا بيها لأننا في الدنيا يدوب أيام أصلنا علي سير الحياة واقفين زعلنا فرحنا.. نجحنا فشلنا.. كسبنا خسرنا .. ماشي بينا ولا حاسين فحب سامح أضحك وعيش مرتاح القلب سليم .
فوض أمرك علي ربك يدبرها ويحلها سبحانه عنده حسن التدبير ، ولا تحمل هم سنين بتغير فينا بروتشها ملامحنا ووجوهنا لكن روحنا أغلي مافينا هتفضل حلوه مهما طال العمر بينا .