غرفة القاهرة تشارك في المؤتمر الترويجي للمعرض الصيني الدولي..وتستعرض تطور العلاقات الاقتصادية بين البلدين

 انجازات السيسى العملاقة لمصر فى ٢٠٢١

كتب - محمد طلبه 

متع عينك بالمعلومات والأرقام التى تجعل مصر فى مسار الدول المتقدمة ..

سيتم عمل أحدث 3 أنظمة تشغيل تكنولوجية فى العالم فى مجال القطارات ويتم من الان تنفيذهم على أرض مصر ام الدنيا .

 أولاً : القطار السريع 

(أبو 360 مليار) 

1 - تنفيذ تحالف من الشركات المصرية للأعمال المدنية وسيمنز الألمانية لأعمال الكهروميكانيكا ..

2 - السعر لإجمالى أطوال 1000 كم 23 مليار دولار وبدأ التنفيذ والعد التنازلى لإستلام المرحلة الأولى بمسار طوله 460 كم من العلمين إلى العين السخنة مروراً بالإسكندرية والعاصمة الإدارية بعد 24 شهر ..

3 - باقى الطول هيكون إمتداد له من العين السخنة جنوباً حتى أسوان ..

4 - سرعة القطار 250 كم/ ساعة بتكنولوجيا مختلفة عن قطارات السكك الحديدية .. بدون تقاطعات أو مزلقانات .. يكاد لا يلمس القضبان .. هتوصل من إسكندرية للقاهرة فى أقل من ساعة ولأسوان فى 4 ساعات ..

5 - العقد يشمل توريد 34 قطار ركاب و 10 جرارات للبضائع .. مع نقل تكنولوجيا التصنيع لمصر والتدريب عليها ..

6 - الصحرا يمين وشمال المسار هتبقى جزء من خريطة مصر العمرانية المستقبلية ..

ثانياً: القطار المكهرب 

1 - تنفيذ تحالف من الشركات المصرية للأعمال المدنية وأفيك الصينية لأعمال الكهروميكانيكا ..

2 - طول مساره 90 كم تبدأ من السلام وله فرعان واحد للإدارية والتانى للعاشر من رمضان ..وتكلفته الإجمالية 2.2 مليار دولار ..

3 - شبيه بقطار السكك الحديدية ولكن يعمل بقوة الجر الكهربى بديلاً عن الديزل .. وسرعته 120 كم/ ساعة ..

4 - التشغيل التجريبى بعد 6 أشهر والتسيير الفعلى مع أعياد أكتوبر القادمة ..

 ثالثاً: المونوريل 

1 - يطلق عليه "مشروع المليون راكب يومياً" وفى قول آخر "أشيك وسيلة مواصلات" .. عبارة عن عربات خفيفة ماشية فوق كمرة خرسانية (راكباها زى ما بنركب الحصان) .. والكمرة متشالة على صف أعمدة بطول المسار .. يعنى مبياخدش أى حيز من الشارع ..

2 - تنفيذ تحالف من الشركات المصرية للأعمال المدنية وبومبارديه الكندية الإنجليزية لأعمال الكهروميكانيكا ..

3 - المسار يبدأ من 6 اكتوبر مخترقاً أحياء الجيزة وينتهى بالإدارية (مع وصلة من بولاق الدكدور لإستاد القاهرة خلال مترو الأنفاق) .. يعنى جايبها من غربها لشرقها ..

4 - تكلفته 2.5 مليار دولار .. وهنستمتع بركوبه فى يونيه 2022 ..

 المفاجآت ...

1- كل الفلوس اللى شفتها فوق دى هيدفعها التحالف المصرى الأجنبى وهياخدوا فلوسهم من التشغيل .. يعنى مصر مش هتدفع مليم من الميزانية (عشان الولولة) ..

 مثال على ذلك المونوريل: التحالف هياخد حق إنتفاع 30 سنة مقابل التكلفة مع صرف نسبة ربحية ورسوم وضرايب لمصر خلال مدة الإنتفاع كمان ..

2 - تشغيل وإدارة كل مشروع من دول هيكون لشركات عالمية متخصصة زى شركة "راتب" الفرنسية اللى بتدير مترو الأنفاق الجديد حالياً .. طبعاً هتاخد فلوس بس أنا ضامن إنى كسبان .. يعنى تاخد 10٪ مثلاً وأنا ضامن 90٪ أرباح .. بدل ما كانت الهيئات بموظفينها بتدير ونوفر ال 10٪ بس الحصيلة خسائر مؤكدة ..

كل دول العالم بتعمل كده وبتطبق المثل المصرى اللى مكناش إحنا نفسنا بنطبقه وهو "إدى العيش لخبازه" ..

مش آن الأوان نهدا ونسيب الراجل يشتغل؟ .. خلونا نتفرج على مصر اللى رئيس سيمنز شبهها بالقطار السريع اللى رايح لهدفه كالطلقة ..

وتحيا مصر ... ويحيى السيسى على إنجازاته القومية ..