صدور العدد الجديد من صدى الأمة لشهر أبريل بتغطيات شاملة للقضايا المحلية والدولية

 

“متخفيش لو قالك هتجوز"

بقلم  ـ حنان عصمت

 

هي الستات اللي بتخاف اجوازتها تتجوز عليه بيعملو كده ليه في نفسهم!!!!!😡

يعني لما تلاقي جوزك بيتلكك علي اي مشكله عشان يهددك انه يتجوز عليكي يبقي الانسان دا مش شايفك اساسا و عمره ما هيشوف تعبك و لا هيحس باهمية دورك في حياتي..

🍁لما يبدأ يقولك صحبي اتجوز علي مراته و مبسوط اوي ...اوعي تخافي و تأيدي صوابعك العشرين شمع لانه مادام ماشفش صوابعك العشرة المتأدين عشانه مش هيشوف العشرين..‼️‼️‼️‼️

خليه يا حبيبتي يروح يتجوز و يشرب الكاس لاخره...

🍁المشكله ان اي ست بتخاف ان جوزها يتجوز عليها  كأنها بتفتح له الباب بايدها انه يتجوز عليها..

خوفك ان جوزك يتجوز عليكي دا اعتراف  ضمني بينك و بين نفسك انك مش كفاية ..

خوفك دا بيوصله و بيتنقل ليه احساسك و فعلاً  بيبدأ يشوفك مش كفاية و يحس ان ناقصه الست اللي محصلتش و بيجري بقي ورا اول "تاء مربوطه"😃 تفتحله  الباب..

اما انتي لو مالية مركزك و كلك ثقة و بدون ما تتهز شعره منك ( بس ما تتهزش بجد مش تمثيل😃)

اول ما  تشمي بس ريحة المشكله جايه و هوبا بقي نزلك بالتهديد انه هيتجوز تقوليله بكل ثقة؛

" روح اتجوز يا قلبي و ماتنساش تعزمني علي الفرح بس  الباب اللي هتقفله وراك مش هيتفتح ليك تاني"

خليه بقي يفضل يجري طول عمره ورا " التاء المربوطة " و عمره ما هيدوق طعم حضن و دفا العيلة تاني..

عشان الراجل ممكن يتجوز مية ست بس هي واحده بس هي اللي بتبقي الحضن و الدفا..

فلو مش شايفة نفسك الحضن و الدفا و واثقه من دا يبقي هيفضل عمره كله يدور علي الحضن و  الدفا..

من الآخر خليكي انتي الحضن و الدفا و اوعي تخافي...