حماتك دي أمك وأمها
بقلم ـ شيرين راشد
حماتك عملها بإخلاص وحبها زى مابتحب بنتها ماهي سهرت وتعبت وربت يبقي ليه تشيلها علي راسك وتجيب كل الحق عندها لو في وقت مراتك عديتك و تقول دا نصايح أمها .
خليك ذكى وركز معيا في الكلام مراتك لو بتحبك مش هتسمع لحد كلام ولو كانت أمها .
فبلاش تخسر حماتك وخليك حبيبها واقف جانبها عشان لو في يوم غضبت مراتك اللي هتعقلها وترجعها أمها .
دا مفيش واحده في الدنيا تكرهة الخير لبنتها وتحبك قوي لو راعيتها وسعدت قلبها ماهو أنت في الأول والأخر بردوا إبنها جبر الخواطر أجمل عبادة فأكرمها عشان تدعيلك هي وبنتها.
وإنتي ياست البنات أم جوزك دي ملاك وبنت الأصول تشوفها أمها وتعاملها زي إبنها واللي بيحب حد بيحب اللي من ريحتة كمان مابالك دي ست الكل أم سيد الرجال وإياك تقسي عليها أو تحاولي تبعديها عن إبنها .
أصلك النهاردة مرات أبن وبكرة تبقي حما والزمن دوار اللي بتعمليه في الناس النهاردة قراط هيرجعلك بكرة فدان فختاري طريقك من هنا وبلاش توجعي ياحلوة قلبنا .
وإنتي يا ست الكل ياأم العريس وأمنا أوعى تفكري تبقي مع مرات إبنك حما دى سابت بيت أبوها وأهلها وإختارتكم تكونوا أهللها فكوني أمها التانيه وسند ودعم لها لو إبنك في لحظة قسى عليها طيبى إنتى خاطرها ورضيها وبكلامك الحلو لعقلة راجعية .
وجوز بنتك ليك عندة أربع وعشرين ضلع يعني روحك وقلبك فيه كونى بشوشة دايما لما تقابليه ولو زعلك في يوم بذوقك ردي عليه هيحس بقيمتك ساعتها وتكوني غاليه قوى عليه .
وتمشى الدنيا من غير خلافات ونقضيها حب وسلامات
