انا الجوزائي
بقلم- سعيد الصفار (شادو)
تفاصيل كتيره جوه الصورة مش باينه
دمعة حزن غطيتها عيون فاكرينها فرحانة
وجع وألالام وصراخ لو اللسان يعبر عنها مش هاينة
كسرة قلب باينة في التجاعيد لحقتها إبتسامة حيرانه
محتارة بتقول أزاي اترسم علي وش بيضحك وبيكركر
وقلب الشخص مدبوح ومشاعره بتفرفر
انا اللي سهل عليا اموتك من الضحك ومن جوايا بموت من الحزن واتقطع
انا التافه ابو دماغ فاضيه وجوه دماغي زحمة ودوشه وبواقي ذكريات روشه
انا اللي برغي وبفضفض وانا مصدع
انا المدمن لتعب النفس والتفكير
مريض ورافض اتعالج من مرض الحب والتقدير
انا الفايق وانا الواعي وانا السكير
انا اللي بعيد عن التدخين وجوايا حريق نيكوتين
نتاج الهم والضغط والحيرة والسرحان
وسؤال دايمآ بيتكرر انا ليه ! بجد انا مين ! ؟
انا اللي لبست وش الجن وبصيت في مرايا انا اللي رعبت نفسي في الهالووين
انا الشئ وعكسه مفيش زيي انا استثنائي انا المتناقض المجنون انا الجوزائي
انا حاصل ضرب الحزن في الفرحة انا اللي فنيت من عمري سنين جارحه
انا اللي جايبني ورا طيبتي وأخلاقي
انا اللي باخد دروس وبكسل اتعلم أشوف قدامي الراحه وأفضل أتألم
مش عارف طريق الفرح بس الحزن ده عاده
انا اللي حياتي حبيتها وصبيتها فنجان قهوه كان ساده
انا اللي حب متحبش ولو يتحب ميحبش
انا اللي دايمآ استغرب وعلي نفسي كتير بألش
انا بدعي القوة وانا أضعف من القشايه بكلمة مودي يتغير انا جريمه وجنايه
بكون مبسوط وانا لوحدي واحب اللمة حواليا
احب السما تكون صافيه واحب النجمة في سمايا
انا منهج استصعب انا روايه بلا نهاية
وكم يذبحني شوقي وحنيني وبحثي عن اللذة
ويتصارع عقلي وقلبي ويأبي القلب ان ينساق للعزة
وكم يقتلني الحب وابتسم وانا غريق بدماء إخلاصي
يبدو أنني أهوي من يتفنن بكتم أنفاسي
ولربما ابالغ في مشاعري وإحساسي
ككاهن يصنع من الذهب أجراس
انا اللي صعب اتفاجئ منا شوفت كتير صدمات
انا بندم ومن قلبي علي أغلب القرارات
انا بعظم نفسي وأستحقرها وبهلك روحي وبكدرها
انا اللي بتنسي من ناس كنت في يوم بقدرها
انا اللي عشقت واتعلقت واتردم عليا تراب
انا الواقع الموهوم مش متشاف انا سراب
انا اللي مشاعري إيجابيه يقابلوها بنوع من السلب
وحتة مضغة سيقاني بإسم القلب
قلب فاقد العزة والإحساس والهيبه
اتنيل وغور في داهيه جتك خيبه
أفرأيت محتاج يمد يد العون لنظيره
فاقد الشئ اعلم بإحتياجه لتحقيقه
أحرق ضلوعي حطبآ لتدفئة من كانو سببآ
لقرص البرد في جسدي ولم يكن لهم بدلآ
إحتياجي ليس بضعف يامن مزقتو أشلائي
بل كان شوقآ لكم متعلقآ بحبي وعشقي ووفائي
فأنا الذي مات قلبه ولم يأتي أحدآ لعزائي
عيبي بالغت في مشاعري واستسلمت لغبائي
انا الفريد من نوعي انا استثنائي
انا المتناقض المجنون انا الجوزائي
انا اللي بعشق العزلة واحب اللمة والأصحاب
انا اللي بقدر العشرة واخاف لو يبعدو الأحباب
الحب حلي أشعاري وطول حبل أفكاري
شالتني بحوره وكان ليا عذب أنهاري
غرقت في قاعه انقذني ورماني
علي شط الجراح والغدر قواني
شكلي ادمنت الغرق واللف في الدوامة
مبقتش فارقه حياه او موت ده شعور بيحصل يامه
قلبي عاشق للمخاطرة وجاهز للمؤامره
فاقد الإستمتاع بلذة المغامره
انا الشئ وعكسه انا استثنائي
انا المتناقض استسلمت لغبائي
انا بجمع من كل حته بواقي أشلائي
انا العاقل وانا المجنون
انا الجوزائي
