لون تاني
بقلم ـ أسماء المغربي
بحبك حب قواني
في عز جراحي خلّاني
أشوف الدنيا لون تاني
يابني وأبويه وكياني
ياحضن يساعي أحزاني
ومين غيرك بيهواني
وعلى أحزاني أساني
ومن غيرك يخليني
أحب أيامي وسنيني
يافرحه جايه تناديني
ياعمري وكل شي ليا
كلامك كله حنيه
بحبك لما بتقولي
حبيبتي تعالي غنيلي
بقولك أنت أيامي
ومين غيرك يكملني
ومن غيرك يطمني
يانصي التاني ونصبي
يا عمرى الجاي يا حبيبي
هاكون ليك أنا ضلك
ياسندي وراجلي وحمايه
ده حبك ليا ده حكاية
حبيبي إياك تغيب عنّي
ودايما كون مطمني...
بحبك لما توصفني
بأني مراتك الجايه
بكون طايره من الفرحه
بشوف فستان معاه طرحه
بخاصم دنيتي الجارحه
ده أحلى ما فيا هو أنت
بعيش أنا على ضلك
وتهمسلي وأبوصلك
ما بينا فهم مش عادي
وجودك حلّى أوقاتي
ومن بعدك مفيش ماضي
وجودك جنبي خلاّني
أشوف الدنيا لابسه جديد
وفرحتها كفرحه طفل ليلة العيد
وجودك جنبي خلاّني
أشوف الدنيا لون تاني...
