غرفة القاهرة تشارك في المؤتمر الترويجي للمعرض الصيني الدولي..وتستعرض تطور العلاقات الاقتصادية بين البلدين

بحبك

بقلم/ محمد عبد العزيز

مش لاقي كلمة أقولهالك.. 

غير كلمة بحبك

مش لاقي معنى أشرحهولك.. 

غير إني دايب في حبك

مش لاقي حالة أوصفهالك.. 

 غير إني حياتي في حبك

وروحي تسيبني.. تفارقني.. 

ولا اعيش أبدا يوم بعدك. 

الدنيا كلها كآبة.. 

 وسر السعادة.. في حبك

حياتي كلها حزن.. 

وفرحي لاقيته في حبك. 

سبحان الذي نجاني.. من عذابي.. 

وأنعم عليا بحبك. 

سبحان الذي اصطفاني.. 

من عباده.. 

وأودع حبي في قلبك. 

هنايا كله.. 

ربي شالهولي معاكي.. 

ولا شوفت يوم هنا قبلك. 

لو فتحتي قلبي تلاقي صورتك.. 

لو سمعتي نبضه... بيدق... باسمك. 

دا الناس قلوبها فصين..

وانا قلبي انقسم نصين.. 

ما بين اسمك ورسمك. 

قلبي مرايا ليكي.. 

تعالى بصي وشوفي محاسنك.

وتاني هرجع وأقولك.. 

بحبك. 

بحبك كلمة مش سهلة.. 

بحبك مش كلمة بقولهالك.. 

عشان ارضيكي وانول وصلك. 

بحبك حاجة جوايا.. 

بتربط روحي في قربك.. 

ويوم موتى دا يوم بعدك. 

بحبك ومن قلبي بقولهالك.. 

بحبك طالعة من قلبي.. 

يا غالية بس علشانك. 

ولو حسيتي بالغربة.. 

تعالى لقلبي دا مكانك. 

خلاصة الكلام إنك.. 

 متستنيش كلام مني.. 

لأني هختصر حبي.. 

في كلمة بحبك. 

وبأمر قلبي أنا هسكت.. 

وتاني هرجع وأقولك.. 

بحبك.