قصيده:غدر الحب
نرمين حسيني
_جاي ليه تعاتبني
مش كنت ماشي ومفارقني
وبطوله غيابك معاندني
دا غيابك اثر فيا وعذبني
وتفكير ف فراقك غلبني
سالت عنك كتير
وبقساوه قلبك مارديت
طب حتي كلمه تطمني
بس مكنتش اعرف انك هاتعايرني
وانا ال كنت بقول عليك مني
جاي ليه قولي
جاي بحبك تسرقني
ولا جاي تضمرني
ثقتي فيك راحت
ونفسيتي ف بعدك ارتاحت
ماتجبش البعد عندي
وتقول كنتي بتكابري وتعاندي
مهو انت ال مصونتش قلبي
والذنب كان ذنبي
بعتني وبعت حبي
وتركت قلبي بيتوجع
لحد مامات من الوجع
فضلت ادور ع حبك بين الناس
لحد مانعدم عندي الاحساس
مهو كل دا بقساوه قلبك عليا
ومشيت وتركتني
بس انا قويت من بعدك
فكرتني هجري عليك
واطير من فرحتي ليك
لا خلاص انسي
دا بعدك خلاني اقسي
مش بعدت وزاد بعدك
راجع تاني توهمني بحبك
وتفكرني بوعدك
ماكل وعودك مش متشافه
كانها حاجه شفافه
خلاص بعدك عندي مش فارق
وكدبك دا ف قلبي حارق
مش كنت ماشي ومفارق
لو كنت شوفت لهفتي وانا بجري عليك
ماتسبني الله يخليك
بس انت ماسمعت مني
وسبت الدموع تقتلني
كنت محتاجه منك تستحملني
بس لقيتك مشيت
مش دا ال انا حبيتو
وف الحب معاه انا لقيتو
دا اللي فتحتلو قلبي
دا ال باعني وسابني
مش دا ال انا حبيتو
مش دا الحلم ال بنيتو
ازاي انا كنت طايشه
وف حبك انا كنت عايشه
ستاره الحب عامتني
لحد مافوقت واذتني
ستاره الحب غداره
حبيتك بس ي خساره
بصيت مابين الناس ع شكلك
لاني كنت بشتاقلك
خلاص دلوقتي انا فوقت
منا زمان ف حبك توهت
لسه جاي تتكلم
منا من قساوه قلبك انا بتعلم
عرفت ازاي الحب بيألم
خلاص قلبي اتعود ع البعاد
وقتلت قلبي بسيف حاد
خلاص امشي مش محتجاك
انا كنت الاول مستنياك
دلوقتي انا مش حباك
ولا عايزه اشوفك ولا طيقاك
شوفتني صغيره فضحكت عليا
بصفه الحب اتساليت بيا
ازاي انا كنت غابيه
ليه مصدقتش عنيا
ومشيت ورا قلبي
واذيت نفسي بايديا
اقولك تاني ولا بلاش
دي نار غدرك لسه منطفاش
فين حبيبتي وام عيالي
ال كنت دايما بتقولهالي
ولا انا كنت بحلم وبيتهيالي
امشي بقا وسبني ف حالي
