عيد الحب
بقلم ـ شيرين راشد
كنت دايما باعترض علي إنهم يعملوا للحب عيد
إعتقادا منى إن الحب موجود بقلوبنا طول الوقت
لكنى تأكدت بجد إننا لازم نقيم للحب عيد لأنه بح خلص وفعلا القلوب أصبحت فاضيه وفقيرة حب .
وبقت كلمة بحبك مستهلكة جدا لكن الأحساس الحقيقي بالحب غير موجود ونادر بمعنى الحب أتحول لمصالح أقولك بحبك عشان أخد منك وعمر الحب ماكان ليه ولا عشان ...!!
الحب للحب وبس يعنى أنا بحبك عشان شوفتك روح تشبهني واكتملت بك روحى .
الحب عمره ماكان نقص الحب هو اكتمال روحين وكل روح منهم عايزه تعيش العمر جانب التانى وكل سعادتها في إنها تراضيه وضحكتة تنورة الدنيا كلها حوليا ويكون هو قبلتها ومحور حياتها وكل سعادتها .
هو دا الحب الحقيقي ال عنده الإحساس دا أقوله مبروك عليك أحساسك وكل عيد حب وأنت وحبيبك بألف سعادة وحب واللي غير كده أقوله حرام عليك كلمة بحبك غاليه أوى بلاش ترخصها عشان وعشان
استحلفكم بمن آحل القسم فين الحب ال كونا عايشين به
فين القلوب الجميلة والناس الطيبه اللي كانت قلوبهم مليها حب وخوف علي بعضهم ..؟!
دلوقت معدتش حد بيحب حد والأمارات والدلائل كتير أوي وتعالوا نشوف .
لما الولد بعد الجواز يفضل مراته عن أمه ويشوف نصيحة ابوه ليه تقيلة ورجله تخف علي البيت اللي إتربى فيه والناس ال ضحوا بحياتهم عشانه يبقى ( فين الحب )
لما الأخ يقاطع اخته وميعرفش عنوانها بعد الجواز ويخاف أخوه يحسده لو جد عليه جديد يبقى ( فين الحب )
لما تشوف صاحبك وصديقك أخره معك مصلحه وحذر ولا تخون ( يبقى فين الحب )
لما تأيد المثل ال بيقول القرايب عقارب يبقي ( فين الحب ) دا إحنا نسينا أصلا كلام الرسول وبدلنا خيركم خيركم لأهله بالقرايب عقارب شبهنا أهلينا وإخواتنا بالعقارب يبقى فين اكسجين حياتنا اللي كونا بنتنفسه فين الحب 👉
إذا ضروري نحتفل بعيد الحب يمكن اليوم دا يفكرنا بالحب وقلبنا يشتاق لدقاته ❤❤
