محمد سامي عن مي عمر: نجحت نجاح كبير يثير حقد الكارهين
أمنية عبدالعال
أشاد المخرج محمد سامي بزوجته مي عمر، ومدى قدرتها على النجاح في حياتها الشخصية والمهنية.
نشر محمد سامي عبر حسابه على موقع التواصل الاجتماعي "إنستجرام" صورة تجمعه بمي عمر وكتب: "دى صورة لي أنا و مى من ١١ سنة، كنا بنفكر في أحلامنا ومستقبلنا وبنتمنى حاجات كتير ربنا أدانا أكتر منها كمان ، عشان حاجه مهمه بعد كرمه و عطاءه ، عشان بجد بنحب بعض وبنساعد بعض طول الوقت في تحقيق أحلامنا".
أوضح: " بيتهيألي أني صعب كنت أنجح فى شغلي من غير دعم ومساندة مى لي طول الوقت، الدعم ده حاجات كتير قوى محتاجه مليون بوست عشان تتكتب كلها ، والنهارده أنا و هي بنحتفل بنجاحها اللي تعبت فيه و اشتغلت عشانه كتير ووفقت بصعوبه بين بيتها اللي مخلياه جنة لي أنا و بناتي وبين أهلها وحياتها وشغلها و في الاخر نجحت نجاح كبير يفرح بيها كل محب ويثيرغيرة وحقد الكارهين".
أضاف محمد سامي: "مبروك حبيبتي و بنتي ومراتي الغاليه ، ودايما ناجحه ومتفوقه ، وتحيه لكل ست ناجحه وعارفه توصل لنجاحها رغم واجبتها تجاه أسرتها".
يذكر أن مي عمر لعبت دور البطولة في مسلسل "لؤلؤ" عن قصة مي عمر، سيناريو وحوار محمد مهران، إخراج محمد عبد السلام، إشراف على الكتابة والإخراج محمد سامي، إنتاج سينرجي، ويشارك في بطولته أحمد زاهر، نرمين الفقي، محمد الشرنوبي، نجلاء بدر، إدوارد، هيدي كرم، هدير عبد الناصر، سلوى عثمان، حمدي هيكل وملك أحمد زاهر.