أورشليم
الشاعر ـ يوسف محمد يوسف
ايه علاقه العشاق
بالماضي والتأريخ
الا بحادث عشق
مكتوب على التواريخ
وانا بختصم قلبها
وهعاقبه بالتوبيخ
ريتشارد ده عقلي..
والنصيب صلاح الدين..
وحبيبتي زي فرجينيا
حبتها وحبت ناس تانيين
بقولها..
ورسالتي ليها موجهه
بالرغم كنت ف عندها..
مقتول بقالي سنين..
وهي هي فرجينيا..
بتحب ناس تانيين
بيتي اللي كان فيكي
أصبح خلاص مسكون
هبعد واغيب لو كنتي
اخر بنات الكون
الوش وش ملاك
والقلب بيت ملعون...
مسكونه شرايينك
بالجن والشياطين
مارد ببيتغدي
على كسر بني ادمين
انتي الوعود الزايفه
ف القدس وفلسطين
انتي حجج فارغه
حطوها صليبيين
وظهرتي من تاني..
واهو مات صلاح الدين
والوعد بينا د كان
موعود لناس تانيه
كل اللي كان بيننا
بعتيه كده ف ثانيه
قلبي اللي مات فيكي..
شافك ك فيرجينا
ظالمه ومحتله
وانا شوفتك اورشليم
اكيد فيوم اللقي
عقلي مكنش سليم
بخيله ف مشاعرك
وانا كنت غبي وكريم
مع اني مش عيسي
قلبي ده كان عوام
وصل صحيح للشط
لكن لقى الأوهام
انكشف غدرك وكذبك
بقليل من الايام
كلها كام يوم وافوق
وراح ابقى عادي تمام
ملامحك الهاديه
قدرت تصيغ خدعه
وشيطان بني الإنسان
خلي النصيب بدعه
قولت البعادقاسي
هيصيبني سهم الهم
والجرح مالو علاج
ولا حتى خال ولا عم
بصرخ بعلو الصوت
ردك نظر وسكوت
فعرفتي بعدك موت
حللتي فجأه الدم
َالبعد مالو علاج
حتى يراق الدم
قلبي ك طهر العرب
قررتي تدنيسه
قالو عنيها دي بحر
قررت انا اقيسه
قلبي اللي كان شاعر
قطعتي كراريسه
معظم ضحايا الحب
من سمها داقوا
والباقي لو شافها
ليها بيشتاقوا
سبب احتيار البحر
كان كتر عشاقوا
..
شيطان بيخون البشر
بقلب دنى وخسيس
يخرج كلام منها
مدهون بكوم أحاسيس
تقدر تشوفها ملاك
من توجيهات ابليس
مع بدايه أغسطس
فرجينيا تتمايل
وعشان لويس يكسب.
للفرس بيحايل
ودوق ارثر ف ضهره
مسنود بحيط مايل
وبين الخيم ماشيه..
فيرجينا تتمايل
حبيت بكل ما فيا
وبطالب بالقصاص..
صليبيه او مسلمه..
او حتى من القداس
بسببك صرت عبره..
اعتبروا بيها الناس ..
حبيتك يعني..
اهو حبك اتحول ل حنين ..
بالرغم انك خنتي ف وطني..
قررت اكون ك صلاح الدين
كنت غاويه ظلم فيا..
مع اني شوفتك اورشليم
الان ضاعت اورشليم
