الشط العاشق
بقلم - هيام رضا
شط البحر دا قدام بيتي
وقلبي سهران جمبه ليلاتي
بمشي مع الموجه طوالي
اشكلهاا ع ظروفي وع حالي
بيفتحلي الشط ف أوجاعي
يهيج الموج ويحضني
ف يزيل اوجاع ع كتفي
وأرجع ابكي لما الموجه تعدي
مالوجع بيرجع ع أحمالي
وأهات وألام من شرياني
ماكل الخلق عليك راهنوني
وقالوا انك غدار مش لياا
النهارده حاضني بكره سايبني
غصب عني
دموع تنزل من عيني
تجري قوام علي خدي
طب و انا مالي دا بيهم يعني
قول لي يا بحر الهوي طمني
و اؤمر شطك دا يجي قوام يحضني
صوت الدوشه و الموج يعلي
لما يشوفني حزينه و ببكي
و يقول عمره دا قلبه م حبك
ريحي شوقك.....
لساكي غاويه تتعبي قلبك
لساكي يعني غاوية
اغاني حزينة ف نومك
غاوية تعكري حتي الحلم... الهادي ف يومك
اوعي تقولي انك حبيتي
كل ساعات الحزن الجارحه
احلمي بكرا تيجلك فرحه
خلي اللبس يليق ع الطرحه
على الديحكه
سيبك منه الغاوي تعذيبك
اوعك مرة تقولي حبيبك
مهو لو كان بيحبك مره
عمره م كانت تاخده الغربه
و كان هيحارب حتي خطوط الموج....
لو يعلا و كان هيجيلك
لكن اهو خلف بالوعد
و طال عليكي كتير بالبعد
صاحبي البحر سمعت انا صوته
بعد سكوته ف وقت النوه
قالي تعالي يا غالية وخليكي
اقوي من اللي يبيعك
و امحي الحزن الساكن قلبك
و امسحي كل الدمع بإيدك
قالي تعالي قوام علي شطي
و ارسمي قلبك ورد و خطي
عالاحزان مهما ان كان
و لا إنسان هيساوي دموعك
عارفه انا وحدي البحر العاشق
اللي حبيبتي اتمني رجوعك
قالي تعالي لبحر غرامك
انا قدامك .....
فاتح كل الشط لاحضنك
قلب البحر يا روح الروح
عاشق حتي النبض ف قلبك
شط البحر هواه بيحبك
