"قصيدة بنت البندر "
الشاعرة ـ رويدا هشام
يا خوي لساك فايت
متعاود
لساك عاشج البت اياها
طب اي دواها
اي دواها
ابوك جالك دي ولا من اصلك ولا من توبك
من البندر تمشي تتغندر
وانت جلبك حامي
من برود دمها
واي يهمها
مانت واجع
بلا راجع
جال اي عايزه شاليه
ومهر يجيب جد النهر
ومنين نجاريه
وسمعت امك جالت يولدي ع جد لحافك مد رجليك
متيجي اشوفلك بت حدانا
ع الأجل ترعانا
لو يوم غايب
تحوشلك نايب
تصونك في غيابك
تهدي اوجعاك
لو يوم زادت
تربي عيالك
تعمر ديارك
مش البت اللي تجولك بابي ومامي
خالتك سعديه
حداها بت عجباني
وخداني
وشداني بطرف جلبتها
ولا تسريحتها
وكحكتها لما تتتخمر
بأديها لما تتشمر
وسعي يا خاله
ف جنيه ف طرف السياله
خدو يا مسعود
هاتلنا بخور عود
لاجل تتصدق بالوعود
ومين الموعود
بنت سعديه الغلبانه
تتجوز البشمهندز
مصدجشي دا انا طول عمري متبلد ف اللوغرتمات
اوجعلك ايمنيات
دا انا اخري اعملك عشوه
واعيشك في تبات
ولا اخليك تبات يوم سهاري
ولا تتداري
خليك جاري
منا ادرا بحالك
مالك
القبض جصر
ومالو
خير ربنا كتير
والحمدلله
حمداه وشكراه
متشيلش انت هم
بكره تتعم
ومالو ياعم
