مبقتش بفتكرك
على حسن سند
النهاردة وبس انا هسمحلك
تدخلى قلبى لأخر مرة
تاخدى صورك وكلامك
صوتك وهدومك وبرفانك
والايام اللى عدت من حياتى وفضلت كتير أحسب فيها
النهاردة هفاجئك بالقسوة اللى عمرك يوم ما شفتيها
هسمحلك ولأخر مرة تدخلى جوه
وتشوفى انا قلبى بقا عامل أزاى
من يوم ما مشيتى كما هو
بيكتب اشعار وبيرقص على عزف الناى
يعنى حياتى موقفتش عليكى
ولا كاتب على قلبى الأقتراب ممنوع
انا بشكر جدا معاليكى
عالوقت اللى انا عشته كتير مخدوع
بنات الدنيا قدامى
وانا عمرى ما قلبى لغيرك بص
بعتي هوايا وأحلامى
وروحتى لغيرى زدي النص
يا جبروتك
مثلتى عليا الدور كامل
ولا مرة عنيكى كانت دبلانة
طول عمرك شاطرة فالتمثيل
لاكن مش على اللى ملعلمك الشغلانة
لو عينى هتنزل دمعة عليكى
فانا هطرف عينى واعيش عميان
انا شاكر جدا افضالك
على كونى جماد وبقيت انسان
فانا هسمحلك ولأخر مرة
تدخلى قلبى وتلمى الباقى من الذكرى
تاخدى الماضى والحاضر
وتاخدى معاكى كمان بكرة
وهتلاقى في شارع بعد القلب عاليمين
ادخلى فيه هتلاقى صندوق محطوط
فيه هدياكى
والصورة اللى وخدها معاكى
وكام قصيدة كنت كتبها
وامشى
وابقى سيبى لقلبى بالمرة دواه
اما عالهدايا اللى انا كنت جايبها
ف اديها دلوقتى للنتى معاه
يا ع الاه
لما بتخرج من جوف أنسان بيكون موجوع
بتصاحب وياها ألام وجراح ودموع
بتنزل بتكوى الخد
مربوطة بخيط رفيع
بيوصل منها للقلب
تنزل تكويه
واصعب حاجة ف الدنيا
انك تعشق حد وتتعلق بيه
وفجأة يغيب
مرضك مش محتاج لطبيب
محتاج بس انك تعرف تختار
وتشوف قلبك هتديه لمين
أوعى تأمن لانسان خذلك
لتعيش باقى العمر حزين
وانا غلطى
ااديتك قلبى
ونارو بتقيد
فدوستى عليه
غنيت فالاول
جانا الهوا من غير مواعيد
ودلوقتى بغنى كل دا كان ليه
وحياه كل اللى كان بينا
لاخليكى عليا ندمانة
وهاقتل قلبك الغلبان
وهملا البحر ببكانا
ولو حبيتى فيوم تنجينى
فانتى عارفة فين تلاقينى
مربوط فحبلك الدايب
من يوم ما انتى سبتينى
قاعد بواسى ف الاحزان
واقول اكيد فيوم هتعود
بصبر قلبى ع الحرمان
واربى فأمل ماهوش موجود
معرفش اى اللى خلانى
اكتب الكلام دا الأن
بس كل اللى انا عارفاه
ان دى اخر مرة هسمحلك
تدخلى قلبى واكون ندمان
