ليه يادنيا
بقلم - جمال القاضي
ليه يادنيا
على الكل قاسيه
فيك ال عايش
وراضي بنصيبه
وفيك تلقى ال
دموعه نازله
فيك شوفت ناس
في الوحده تايها
الصبح تبكي
وبليلها صاحيا
على مات وعلى
ال راح من الحبايب
فيك من همه يضحك
وفيك ضاعت
من بين إيديه كل الأماني
فيك ال كان من أمله
بكره يصحى
يلقى جنبه كمان حبيبه
وفيك داير بالشوارع
يمد إيديه يقول
هاتوا لقمه
فيك ال على حزنه صابر
يمكن فجر بكره
من تاني يضحك
فيك ال لوطنه هاجر
من حروب ومن المعارك
وفيك داير
بالصوت يعني
قصائد لهمه وأناشيد لحزنه
فيك ال شايل فوق ثيابه
تراب لأرض لما يزرع
وكان حصاده بالنهايه
ديون لغيره وفيها غارق
وفيك ال داير بالشوارع
بسيارته يلعب
وكمان بيسمع
صوت الأغاني
ولغيره شايف
على الطريق عجوزه قاعده
وبثيابها ألف رقعه
فيك طفل عايش لحاله
غابوا عنه كل القرايب
ومن الزباله يشوفلوا لقمه
وساعة الغروب
تحت الكباري
ينام ويسمع
صوت ضفاضع
ليه يادنيا صرت
علينا قاسيه
فيك راض وفيك غاضب
