كان يا ما كان
عايزة تربي أولادك صح وببلاش؟؟؟
الحلقة الرابعة
كتبت يسرا عاطف
كل أم تحلم أن أمور التربية لأولادها تسير في يسر دون أي صعوبات أو مشاكل تتمني لو تغمض عينيها وتفتحتها تجد الاولاد كبروا وبيعتمدوا علي أنفسهم كلها احلام ولكن لازم كل أم تدفع ثمن هذا الحلم وهو ثمن الأمومة .
هيا بنا نستكمل باقي نقاط التربية الإيجابية..
16- حاولي تخليه يعتمد علي نفسه ويبطل يعتمد عليكي في ابسط الأمور ولو كانت كوب من الماء لو حصل مرة انه بيتدلع عليكي ومكسل يجيب ماء لنفسه مش مشكله هاتي له المرة دي و قولي له "هجيبلك انا المرة دي يا حبيبي ما انت أوقات كتير جبت لي ماء وأنا بحب أدلعك"، و ادعيله دعوة حلوة. أصل الحب_امتنان_ومقابلة_الإحسان_بإحسان ..
17- ألف باء تربية هو نقد الفعل الذي يقوم به وذمه ولكن ليس نقد لشخصه هو جميع البرامج التربوية أو الدينية تقر ذلك أنه من أخطر الأشياء ذم الطفل لشخصه لأنه سوف يكبر علي أن هذه الصفة المذمومة ملاصقه له حتي لو حاولتي نفيها عنه فمثلاً بلاش كلمه أنت غبي ، أنت حمار ، انا بكرة صوتك ...... وغيرة من الكلام الهدام وليست البناء انا عارفه أن الواحد في لحظه الغضب بيكون عايز يوصل رسالة سريعه إلي إبنه انه تسبب في ازعاجك عن طريق اهانه او شتيمه ولكن الافضل احاول السيطرة علي غضبي وأوضح له إني مستاءة لهذا التصرف فهو لايليق بك لانك جميل وذكي والتصرف دة لا يليق بك أبدا أصل الحب احترام...
18- في حاجه كمان أساتذة التربية علمونا إن مهما الطفل غلط بلاش نيجي جنب صندوق الذكريات الجميلة بينكم مثلاً انك لو غلط تتريقي عليه وتعايريه بتصرفات قديمه مكنش بيحبها في نفسه ،، بلاش لو أشتري لكي هدية مثلا في مناسبة ما لكي أول ما يزعلك تقولي له خد هديتك مش عايزة منك حاجه .. التصرفات دي فيها كسر خاطر واستهانة بالعواطف والمشاعر، وتبرير لسحقها عند كل زعل.. الحب حاجة والزعل حاجة تانية..
19- بلاش كل شوية تعايريه أنا ضحيت علشانك اد اية ،، حرمت نفسي من حاجات كتير علشان أنت تكون مبسوط ،، وأنت عيان انا إللي بسهر جمبك علي فكرة هو مطلبش منك انك تعملي معاه كدة هيكره الدراع اللي بتلويه منها.. وممكن يقطعها عشان يحس إنه حر مش عبد.. وانه بذلك خلصك من المتاعب إللي كان هو السبب فيها لكي أصل الحب_تواضع_وبذل_لله فقط دون إنتظار المقابل..
20- لو وجدتيه ديما حاسس بتأنيب الضمير ناحيتك وأنه ديما سبب في تعبك وإزعاجك و لما يقول على نفسه وحش و نفسه يبقى بار بيكي بس فاشل في هذا الأمر قوليله لا طبعاً انت أصلا زي الفل وأنا راضية عنك –سامحني يارب 😀😀 ، وناقصك بس كام حاجة كدة عشان تبقى من اللي النبي صل الله عليه وسلم قال عنهم "كمل من الرجال كثيييييير"..
حتى لو بتبالغي، دة اسمه تحميس وتحفيز للخير بالإيحاء النفسي وإنت كل يوم بتتحسن يا حبيبي، ما تبطلش دعاء لنفسك إنت بس، أنا عشان عاوزاك حد مختلف فبدقق معاك كدة عشان تبقى إنت واخواتك أحسن الناس أصل الحب_تشجيع..
