نصائح الدكتور محمد سعيد الغرباوى لمرضى الكورونا
أحمد صبحى قميحة
قدم الدكتور محمد سعيد الغرباوي أخصائي امراض الصدر والحساسية بمستشفى صدر دمنهور
نصيحتين احداهما لمرضى كورونا والأخرى لكل الناس بصفه عامة
حيث كتب عبر صفحتة الشخصية على فيس بوك
النصيحة الأولى
الحمد لله كل الناس اللي نصحتها تروح المستشفى بدري تماثلوا للشفاء
فبجدد النصيحة تاني الخوف والفزع من المستشفيات انتهى وقته والتعامل مع المرضى الان غير التعامل معاهم في بدايه الكورونا ونصيحتي اول ما الأوكسجين ينزل تحت ال 90% وحضرتك عايز تعيش وباقي علي حياتك من فضلك اجري علي المستشفى ومعاك الأشعة المقطعية الخاصة بك
النصيحة الثانية
اللقاح أو التطعيم
دوله زي بريطانيا
طّعمت اكتر من 70% من شعبها والان عدد الوفيات اليومية من حاله الي اربعه حالات بالكثير اخر يومين
ودا بيؤكد ان التطعيم هو الحل وان مفيش مخاوف من التطعيم وان حتي تحورات الفيروس في ظل التطعيم تأثيرها ضعيف جدا علي الناس اللي اخدت التطعيم
والرسم البياني دا بيوضح انخفاض الاصابات جدا في الفترة الأخيرة في بريطانيا مقارنه بشهر يناير مثلا
واضاف الدكتور الغرباوى ان التطعيم هو الحل
