بقلم د / عبد الرحمن فتحي الحناوي
ابني السد يا (حبشي) وعلي كمان وكمان !!
واحذر ثورتي وغضبي مش عايزك أنا تتهان
اترك ميتي تجري في نيلها من غير نقصان
واحفظ حقنا الأصلي بالعدل وبالميزان
**** **** **** ****
لا في يوم عكرت انا صفوك ولا هديت لك الجدران
ولا يوم خلخلت انا سدك ولا منعتك م البنبان
ليه تحرمنا م الميه وتخلي الشعب ليه عطشان
مش حنسمح والقضيه انتا فيها أكيد خسران
إوعى تحبس عنا الميه دي الميه روح الإنسان
يا ابن الحبشه ليه تبنيه من غير ماتشاور الجيران ؟
ضيعت حق شعوب يإيديك معروف وواضح من زمان
وجاوزت الحد مين يحميك من ظلمك وم الطغيان
**** **** **** ****
ابني إبني ولا يهمك دا كل شئ بأوان
ابني ذنبي ان انا سيبتك تطول الجدران
وتحجز ميتي عندك ونقاسي م الحرمان
اترك حصتي أصلك غدار وما لكشي أمان
**** **** **** ****
(أبي أحمد) خلي بالك من جوابك
كذبه واحده تصغرك قدام صحابك
ضربه واحده ترجعك تاني لصوابك
كل نقطه تخسرك إعمل حسابك
الميه دي مش ميتك راجع كتابك
**** **** **** ****
حصة الميه بتاعتنا راجعه راجعه من تاني
لا سد النهضه يمنعها ولا حد يتحكم تاني
انتهى زمن المراوغه والمفاوضه الأولاني
وابتدى خط المواجهه والهجوم الأحمراني
**** **** **** ****
ياللي عايش في إثيوبيا نصيحه مني خلي بالك
ضحكوا عليك بقلم كوبيا وقالوا هنحسن حالك
وبنوا السد بشبح فوبيا وزرعوا الكذب جوا ودانك
دا كل دوله لها حصه والحق بان محفوظ قدامك
مصر والسودان ليه تغدر بيهم وتغير في كلامك
غموا عينيك وورطوك في حرب ما جاتش على بالك
يجرى إيه لو أقنعوك بالحجه واتقاسموا مع جيرانك
وعشت والكل يحبوك ويقفوا جنبك طول زمانك
سيب الحق ما تمنعوش شعب مصر عمره ما خانك
سيب النيل ما تنقصوش وبكل هدوء احفظ كيانك
لو قامت حرب مش حتحوش خطرها وتعضعض في لسانك
وجيشك حيطاطي الوشوش وتندم على سوء أفعالك
إنذار أخير ما تضيعوش دي الفرصه لسه قدامك