بعد فيكي كل ساعة تِـظهري
لا تقولي ذِبل هالخد الطري
مش بحاجة عطر تا تتعطري
و لا تعملي مكياج أو تتسشوري
كلما كبرتي و زاد عمرك بالسنين
بيزيد فيكي الحلا كلما تكبري
لو شَتِّـت الدنيا حواري من السما
و أجمل جميلات الخليقة بتنسمى
و نسوان بيدلوا عليها بالوما
و من ريقها بترويك لو عندك ظَـما
وحدك بقلبي الساكنة و بشوفها
و باقي النسا ما بشوفها إلا دُمى
تعا يا مكفكف الأحزان قِلّا / قل لها
ال بقلبي كانت و تركت محلّا/ محلها
بَعِـد لمين بِـيألّف قصيده
و بقربك كل أحلامو وِصِلّا / وصل لها
افترقنا و القدر رَتّـَل نشيده
و بذينيكي الصدى قَـدّس و صَلّى
إنتي طول ما عني بعيده
عليـي تِحـرم النسوان كِـلّا / كلها