بقلم :د. علي مسلم عجمي
-------
يا كورونا مين داءك جاب
سْـرقِت منا الحب و الأحباب
كلما نلاقي باب للإشفا
بوجه الشِفا بتسكِّر الأبواب
سنتين صارلك ضَيف جوّا البيت
دمك تقيل. الضيف عالسكيت
زيارتو 3 أيام أكثرها
حِل عنا.. شِفِت شو سويت ؟
طفل . شيخ و شاب يا جَـبَّار
طالع و نازل تِـقْـصِف الأعمار
مش كورونا لازم نسَمِّيك
الأفضلية انت خَرَّاب الديار
منضطر نِلبس إلك كمامة
عالتِّم و المنخار إلزامي
ريحتك بتموِّت ال بيشمها
ريحتك بالشم هدّامي / ة
صارت الكمامة ضرورية
و لِبِسها حالة عِلاجية
عالقليلة بتحجب العدوى
و ما في خطر لا عليك و عليي
بالإيد لا تسلِّم يا نور العين
و تبتدي تبويس عالخدين
سَلِّم و لكن ظلّك من بعيد
هيك إنتو بتسلمو لتنين
خليك بالبيت و على مهلك
توخّى الحذر منشان ما تِهلك
و إلتزم بالحجر بالتأكيد
بحاجة إلك أولادك و أهلك
كانت البوسة حُب و بتغري
صارت البوسة عالقبر دغري
يا رب إحفظنا و نجينا
من الكورونا و شرها المذري