الرئيس السيسي: 111 شابًا من آلاف تقدموا للحصول على تدريب بقيمة 30 ألف دولار
كتب-صالح العواد
كشف الرئيس عبد الفتاح السيسي، عن عدد الطلبة الذين انطبقت عليهم شروط الحصول على تدريب على نفقة الدولة بقيمة 30 ألف دولار لكل طالب، مضيفا: "لما اعمل اختبار لـ200 أو 300 ألف هلاقي المعايير تنطبق على 50% مش كده؟ بتظلم شبابنا وتعليمنا.. لقيت 111 شابًا فقط، علشان تعليمي تعبان.. كنت مستعد لو فيه 100 ألف طالب قسما بالله قلت هدفعلهم 30 ألف دولار لكل طالب".
وأضاف الرئيس خلال كلمته في تدشين مشروع تنمية الأسرة المصرية: "يا مصريين اصحوا إذا كنتم خايفين على بلدكم انتبهوا القضية كبيرة جدا قضية بناء مواطن، موجها حديثه للمواطن، أنت بتجري على انك تدخله كلية وخلاص وبتحطه جوه المدرسة وخلاص، وفاكر إنك بتجهز ابنك، وفيه كلمة النبي محمد صلى الله عليه وسلم قال اعقلها وتوكل".
وتابع الرئيس السيسي: "حد قال لبنته لما تيجي تتجوز انتظري سنة أو اتنين وخدي نفسك وعيشي وتتعودي على الحياة الجديدة، مبتكلمش على تنظيم أسرة خالص، أنا قلت لبنتي كده.. قلت استنى سنتين تلاتة على الأقل".