آخر خدمة الغز علقة
بقلم :حسين الحانوتي
كتير جدا في حياتنا بنسمع كلام منسق ومساوي بيعجبنا ويلزق في ذاكرة الشخص منا لكن مش بنعرف اصله احنا بس بنلاقيه ماشي مع بعض الاحداث اللي بتحصل معانا وكأن الكلام متفصل علي الحدث لكن اصله مبنعرفوش كل الحكايه انه كلام بيتقال عليه حكمه او مثل وكتير من الاحداث بيتوافق معاها امثال المهم اللي يعرف يوفق المثل مع الحدث
ومعلق في راسي مثل دايما بيتوافق مع احداث كتيير بتحصل معايا وممكن مع اي شخص هتقع عينه علي الكلام ده لان الاحداث متواتره ومتناقله بتحمل نفس المعني رغم اختلاف الاشخاص والاماكن لكن بيتوافق معاها المثل
المثل هو اخر خدمة الغز علقه.. يعني ضرب او اهانه او تقليل لمجهودك اللي قدمته باخلاص وطواعيه في اي اتجاه ولاي شخص ودا بينعكس سلبا علي نفسيتك ومشاعرك لدرجة انك دايما تفكر انك تبخل تقدم المعونه والمساعده والخير لاي واحد بيمر بظروف ممكن انت تقدر تساعده علي المرور منها بأقل الخسائر حتي لو الانكسار النفسي اللي سببه الحدث للشخص ده لانك خايف من النتيجه اللي هتنعكس عليك بعد ما يعدي ازمته ويشد حيلة وينسي وقفتك او مساعدتك ويبدأ يتجاهلك او يفكر بضررك عشان ميسسحكش انك احسن وافضل منه رغم انك بتقدم لوجه الله مش هتعايره ولا تنتقصه. . يعني في النهايه لو تجاوبت مع افكارك هتقرر انك متقدمش اي مساعده لاي شخص مهما كانت درجة قرابته او صلته بك
و المثل معناه أن نهاية المعروف هي النكران يعني بتقدم المعروف وعارف النتيجه ان الدائره عليك من اللي قدمت له معروفك ودا بقي بينطبق عليك في شغلك في تعاملك مع اهلك قرايبك اصدقائك يعني قدم معروف وعينك من الضرر هتشوف
والحكاية زي مافهمت من قرائتي ترجع لعصر حكم المماليك لمصر رغم تعدد الروايات حول قصة هذا المثل إلا أن كلمة الغز كان معناها غريب شويه بس لقيت معناها مشتق من كلمة الأوغوز ودول المماليك اللي من أصل تركي لأنهم انحدروا من قبائل الأوغوز التركية
ولأن المماليك كان معروف عنهم الغدر حتى بحلافائهم كانوا لما بيحتلوا قرية بيجبروا أهلها على العمل عندهم وخدمتهم ولما تنتهي إقامتهم بالقرية كانوا بيضربوا أهلها ويسيئوا معاملتهم لكن احنا المصريين كان عندنا محاولات المقاومةرغم ان كان بعضنا ينصح الآخرين بالاستسلام لأن المماليك كانوا أقوى مننا فكان البعض الآخر يرد ويقول حتى لو ماقاومناش آخر خدمة الغز علقه فمن الأفضل المقاومة وهنا فيه مبدا ومعرف ان المبدأ لا يتجزأ وصاحب المبدأ الصح مبيتهزش رغم النتايج ورغم انه هيجني من النتائج اسوأها قدم المعروف رغم النتائج واثبت علي مبدائك رغم الانتقاضات المهم تكون في اطار الصح واللي ميخالفش دينك واعراف وتقاليد مجتمعك واللي يخليك رغم الالم النفسي متماسك ومتنكسفش من نفسك ادام نفسك قبل اي حد لان كل اللي عارفك هيشاور عليك ويقولك انت صح
و اصحاب المبادئ اصحاب رساله مبيفكروش في الضرر دا كل فكرهم متعلق بتقديم الخير والمساعده لاي شخص مهما كان
رغم النتايج المحسومه مقدما…
آخر خدمة الغز علقة