في حب ال البيت.. بقلم: وائل مسلم
مدد يارب مدد يا كلهم يا ال البيت مدد بحبكم كلكم
لان حبي ليكم هو حبي لجدكم
و أنا في حبكم غرقان
ولما اجي اشوفك اسعد بالزيارةوارجع من اللقاء فرحان
وان كنت في يوم تعبان علي بابكم يدق قلبي لاني في الحب هيمان
ومن السرور لساني دائمايذكركم وذكركم عطر وفل وريحان
وارجع من لقاكم قلبي كله سعادة ومن الفرحة كاني طير سائح في السما مشبعش من الطيران
و محدش زركم في يوم وظنه فيكم خاب
ده فرحة الدنيا وانا ابوس الاعتاب
ياللي زيارتكم شفا
وخدام أنا ليكم واقف أدق الباب
وزيارتكم تشفي العليل
ومن حبكم بقيت من الدراويش والعقل في حيران
ازور مين ولا مين
ماهو مفيش اجمل منكم املي بحبه العين
ويزدني شرف وايمان لما اصلي علي نبينا الزين
ماهو حبيبي جد الحسن والحسين
ومين زيهم وهما نور العين
مداح انا في هواكم ويا بخت اللي يزور اللي الاتنين ستنا السيدة وسدنا الحسين
مدد يا كلهم وابعت سلامي لهم مع الصلاة علي المصطفي العدنان
والصلاة علي نبينا محمد في الفم عود ريحان
واحلي كلام ذكر الحبيب وهو اللي في القلب وعلي اللسان
صلوا عليه سيدنا النبي وعلي ال بيته الكرام وهما سفينة النجاة اللي تبعدنا عن جحيم النيران
يارب اغفر لنا بشفاعة المصطفي العدنان وكل مسلم في أمته طمعان في جنة الرحمن