التصريحات الكاملة للأستاذ ماهر غريب مدير إدارة الإعلام بنادي الزمالك عبر قناة دي إم سي

التصريحات الكاملة للأستاذ ماهر غريب مدير إدارة الإعلام بنادي الزمالك عبر قناة دي إم سي

كتب - عمر مغيب

أولا تم عرض فيديو من حلقة قديمة تاريخ 22 ديسمبر 2024 بعد رحيل جوميز تكلم فيها الأستاذ ماهر غريب وقال أن زيزو من مواليد ميت عقبة ومش بسهولة يضحي بالزمالك فرد عليه الأستاذ علاء عزت قاله زي جوميز كده من مواليد ميت عقبة ومشي.

بالتعليق على الفيديو القديم في حلقة أمس، قال ماهر غريب: سواء جوميز أو زيزو الاثنين مشيوا بنفس الشكل ومش عايز أوضح، لسة عند كلامي زيزو من مواليد ميت عقبة وزيزو حتى الآن إدارة نادي الزمالك وجهازه الفني بيتعاملوا معاه بمنتهى الاحترافية كلها.

اللاعب مرحب بيه في نادي الزمالك في أي وقت يحضر تدريباته وأمر مشاركته في المباريات يعود للجهاز الفني ومينفعشي حد يتدخل فيه، زيزو حتى الآن مازال على على جروب اللاعبين موجود وأي حاجه أي معلومه بتوصله كلها وهيفضل تمرين الزمالك مفتوح يتفضل يجي يحضر.

صحيح أن صح الكلام على المفاوضات أو على الانتقال لنادي أخر مش عايز أقول نادي الأهلي لان أنا برضه عارف أن نادي الأهلي رسميا حتى الآن لم يعلن وعايز اتكلم رسمي، ولكن لما بقول زيزو صعب يضحي وقلت كده في الفيديو اللي القديم اللي كان بيعرض.

اعتقد من ثلاث أيام حصل موقف بيؤكد ان زيزو برضه صعب يضحي، والكلام ده أنا مسؤول عنه وحدثت مكالمه يوم استبعاده من التمرين أو استبعاده من المعسكر لما ادرب مع المستبعدين قبل لقاء ستيلينبوش وخرج من معسكر مباراة الكونفدرالية.

حصل تواصل في نفس اليوم قبل مباراة ستيلينبوش بين زيزو وبين مسؤولين نادي الزمالك والمفاجأة انه قالهم انه مرحب بالاستمرار ويجيى يمضي، لما اللاعب يقول كده يا كابتن احمد ده لاعب مدرك حجم القيمة الكبيرة اللي بيمثلها نادي الزمالك ليه ولكن زيزو كلنا عارفين من خلال العشر شهور اللي فاتوا الكره ما بقتش عند زيزو لوحده ووالده متداخل في القصة.

ولكن الأمور قبل ثلاث أيام كانت شيء ودلوقتي الأمور صعبة جدا ومسالة حتى التفكير في أن ممكن تعمل محاولات وان في شروط جزائية كبيرة في العقود التجارية اللي مضاها والده ده كله كلام صعب جدا أصلا الزمالك يفكر فيه مش ينفذه حتى، طيب عايز أقول حاجة هو زيزو عمل ليه كده؟ مفيش حد سأل نفسه السؤال ده؟ احنا شوفنا فيديو لتامر النحاس مع سيف زاهر من كام خمس أيام خطير جدا جدا.

وهو أن النادي الأهلي كان بيفاوض زيزو من 4 أو 3 سنين، وهو لسة فاضل في عقدة سنه ونصف أو سنة كام يعني برا الوقت القانوني، اللاعب عقدة مستمر مع الزمالك ولو تجاهلت انه قعد مع الأهلي، لكن اللي مينفعشي أن يتم تجاهل الأمر اللي قاله تامر النحاس لما سيف زاهر سأله طيب اللاعب لسة في عقده سنة ونصف في الزمالك هتعملوا ايه؟ قالوا في اكثر من سيناريو ممكن يخرج ويرجع على الأهلي.

فخلاص الرؤية واضحة فكرة انه يخرج من الزمالك مش وليده اللحظة أصلا، حاجة تانية زيزو كان في الصيف جاله عرض من نيوم وبعدين سمعنا الشباب والاتفاق والعين ولما زيزو لما دخل فترة انه بقى لاعب حر ليه مفيش نادي فاوضه ؟ ده مش لغز يعني ده اللاعب بقى فري ! انت كنت مقدم عرض تشتريه وتدفع لناديه في الصيف ولما بقى فري مفيش عروض توصله؟

الناس كانت بيقول لازم يتباع في الصيف، عرض اللي وصل كان 3.5 مليون دولار والباقي 2 مليون هيدفعوا على سنه قسط ورا قسط وسيبك من الفلوس القصة كلها كان الزمالك عنده السوبر الإفريقي، هل حد كان هيتقبل فكره أن تمشي زيزو قبل السوبر الإفريقي؟ الناس بعد ما الزمالك كسب السوبر قدام الأهلي قالوا افضل قرار إنه متمش بيعه في التوقيت ده.

التصريحات الكاملة للأستاذ ماهر غريب مدير إدارة الإعلام بنادي الزمالك عبر قناة دي إم سي