اوعديني

كلمات ـ إسلام عامر

 

متفوتيني
لو غدر بينا الزمان
لو كنتي فعلا
حبيتيني
بقلبك وروحك
تعشقيني
حسسيني بالأمان

مهما الدنيا
تقسى علينا
وتفرقنا ليلة واحدة
من ليالينا
ارجعيلي واسأليني

ولما أقولك
غصب عني
صدقيني
متقوليش عليا ناسي
وقلبي كان
عليكي قاسي
وانه ظالم
وانه خان
اوعديني

قلبي حبك
روحي فيكي
مشغول بالي
كتير عليكي
دايما فاكرك
مش ناسيكي
عمري كله
فدا لعينيكي
وف كل لحظة
بتوحشيني
اوعديني

اوعديني
مايكون بينا
يوم خصام
أنا مش قد
عذاب الحب
وقلبي
ميتحملش ألام
تعالي نجدد الأماني
تعالي نحقق الأحلام
ايدي ف ايدك
ما تسيبيني
اوعديني
اوعديني

 

اترك تعليقك هنا
Share
x

‎قد يُعجبك أيضاً

قصيدة ( أحوال البنات )

بقلم / محمد العدوى متابعة / محمد العكروت  للبنات أحوال كتير خليك ...