يوميات زومبجي..
حسين الحانوتي
بقلم : حسين الحانوتي
.
اللي يعيش في الدنيا
يشوف ويتعلم ويكتسب خبره تكون مكسبه الحقيقي علي مدار عمره.. وكل واحد ونواياه
اللي نيته خير بيكتسب خبره تدله علي خير وافضل الحلول وقت وقوعه في مشكله واللي
نيته سوء مع اول مطب له في مشكله مبيعرفش يتصرف ولا ياخد قرار وبيكون صعب عليه
اتخاذ القرار المناسب لمشكلته وحتي لو احد قرار بيكون مطب اكبر من مشكلته يعني
بالفلاحي بيتوحل اكتر لانه متردد القرار ودايما سيئ النيه لاي حد يعرفه او ميعرفوش
وقراره دايما لمصلحته اولا ثم لضرر غيره يعني انا ومن بعدي الطوفان اللي لو جالك
حط ابنك ضناك ثروتك سندك تحت رجليك
..هي دي طبيعه وجينات
متوارثة في الناس دي
الناس اصحاب النوايا
السيئه دي واللي قلوبها سوده دايما بنشوفها حلوه من بره زي الافعي ملساء والوانها
تسر الناظرين لكن وقت ما تتعامل معاها بيطلع سمها يسري في جسدك وحقدها يبوظ حياتك
ويقلبها راسا علي عقب..
الناس دي موجوده في
كل مكان وزمان في البيت والشغل والشارع والغيط حتي لو لوحدك في صحرا وتايه هتلاقي
منهم
هيدلك علي الطريق
وينتظر هيجرالك ايه.. لو حصلك ضرر يشوف طريق غيره واديه جرب عليك و خلص منك
وانتهينا ولو كملت علي خير يمشي وراك ويفكرك ان سره باتع وانه دايما سند للناس في
زنقتهم و قراراته مدروسه وصحيحه وحياته مرتبه بناءا علي قراراته..
الناس دي هتلاقي منهم
في عيلتك دايما يولعوا الدنيا ويقلبوا قرايبك عليك و دايما شغالين في الزنبقه
والفتن وتقليب نفوسهم ضدك لمجرد انك احسن وافضل منهم وان ربنا موسع عليك او الناس
بتحبك واي مناسبه تلاقي العائلة كبيرا وصغيرا بل الغريب جنبك وبيسندك وهم وقت
زنقتهم يادوب تلاقي اللي رايح يقضي واجبهم بيدور علي الباب اللي هيخرج منه لانه
عارف نفوسهم المريضه وقلبهم الغلول الحسود..
الناس دي هتلاقيها
موجوده حتي لو انت بتحمل مشكله بين اتنين مهمتهم الزنبقه وتوجيه القرار واختراع اي
قرار واي كلام عشان يقولوا احنا موجودين واصحاب راي وكل ما تقرب من حل المشكله
يولعوا فيها تاني عشان ينسب ليهم فضل في الحل وانهم كانوا الاهم في قعدة الصلح
ولولاهم لظلت الحرب قائمه مدة كزمن حرب داحس والغبراء والخصام ابدي كما بين العرب
واليهود ..دول لو حضروا قعدة صلح بين زوجين بتتنهي بالطلاق والمصيبه انهم يبرروه
رغم ان كان ممكن الحل والحياة تمشي وترجع لطبيعتها بين الزوجين
الناس دي يوميا
دماغها شغال ميبطلش تفكير في اختراع مصايب لكل اللي يعرفوهم واختراع طرق لدس
المصايب دي بين الناس لإختلاق مشكله عشان يتدخلوا ويحلوها و دايما يظهروا بمظهرا
ملائكة الرحمه رغم انك لو بتقرا الطالع وتكشف الاثر لقرأت المكر بين الحواجب
والخبث في العيون والغل في الصدور والسم في زفير انفاسهم يعني من رحمة ربنا عليهم
ان أنفسهم مستحملاهم لكن معظم الناس طيبه بتاخد بالشكل وظاهر القول لقلة الخبره
وسلامة النيه..
تعالي بئه في شغلك
زيهم زي نبات العليق في الاصل ليس له قوه او عنده التحمل ليصل للعلا الا عن طريق
نبات اخر يعني بيتعلق في نبات تاني عشان يوصل للقمه وهو في الاساس ملوش اساس ولو
قائم بذاته اساسه وجذوره لن تتحمله او تتحمل وصوله للاعلي وعشان كده بيوصل لكن في
النهايه بيقع لكن وقعته بتجيب العائل معاه يعني اللي شاله ووصله يعني النبات
الاساس اللي كان سبب وصوله بيقعوا مع بعض
ظاهرة الزومبجي ظاهره
طبيعيه في كل مجتمع وفي كل مكان
دا الشخص السليط
المترقب لنوائب البشر الفرحان في مصايبهم
الشخص ده ربنا ابتلاه
بمرض الزتبقه والمرض ده علاجه علاج نفسي ومعظم الحالات ميؤس منها لان مهما ربنا
اعطاه وهداه مبيريحش نفسه من تتبع عورات الناس والتحدث فيها ونقلها بصوره خاطئه ..
احذروهم فهم مغالطون
..اتكاليون.. انتهازيون.. كاذبون..
مخادعون..
يُخَادِعُونَ اللَّهَ
وَالَّذِينَ آمَنُوا وَمَا يَخْدَعُونَ إِلَّا أَنْفُسَهُمْ وَمَا يَشْعُرُونَ (9)
فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ
بِمَا كَانُوا يَكْذِبُونَ (10) وَإِذَا قِيلَ لَهُمْ لَا تُفْسِدُوا فِي الْأَرْضِ
قَالُوا إِنَّمَا نَحْنُ مُصْلِحُونَ (11)
أَلَا إِنَّهُمْ هُمُ
الْمُفْسِدُونَ وَلَكِنْ لَا يَشْعُرُونَ)
صدق الله العظيم