صباحو اسكندراني
بقلم / ماجدةالبهيدي
===========
صباحوو اسكندراني
ويا واد الشوق نداني
وعلى شط رمشك رماني
واه يانا يا زماني
ده عيونه مدوباني
ايوو عليك يا سيدي
ده هواك شيء مش بإيدي
واعمل ايه بس ياني
ماشية وننك خطفني
ولا حتى لحق يشوفني
معرفش انا ايه جرالي
قلبي وقع في رجلي
اول ما عينيك بصولي
ونسيت نفسي واهلي
وعلى موج بحرك ورموني
موجك لي بس عالي
ايوو ما ترق لحالي
يا ابو نظرة مدوباني
وسيدي ابو العباس تجاوبني
لحسن انا قلبي سايبني
وبحر هواك غلبني
وجيتلك علشان البي
وأصبح واشوفك تاني
وصباحو اسكندراني