تكريم منسقي محو الأمية بجامعة المنصورة وفرع الهيئة بالدقهلية تقديراً لجهودهم المتميزة

اختيار شريك حياتك

بقلم: يوحنا عزمي

لما تيجى تختاري شريك حياتك متبصيش تحت رجليكى فكري هل ترضي أن البني آدم ده يكون أب لأولادك ولا لا ؟

أولادك هيكونو فخورين بيه ولا هيوصلو مرحله أنهم لما يسمعوا قصص عن الأبوة الجميلة يقولو "احنا ليه مش زيهم"

ولادك مش هيلوموكى أما تختاري أبوهم مش وسيم ولا قصير أو شعره خشن ولا معندهوش عربيه بس هيلوموكى يوم ماتختاريه عصبى ولسانه وحش وقلبه قاسى عليهم وبخيل مشاعر وفلوس وبخل المشاعر أصعب بكتير من بخل الفلوس..

الإختيار إنك تقدري تشوفي سعادتك في اللي اختارتيه "

لازم تعرفى إن الراجل يعيبه أي حاجه إلا جيبه ، يعيبه قله ذوقه ، قساوه قلبه ، عينه لو زايغه ، لسانه لو سليط ، لو مش سند وسايب كل حاجه على اللى معاه ، لو مبيقدرش اللى بتعمليه علشانه الراجل عُمر ما يعيبه جيبه..

خليكى متاكدة إن انبهار أول العلاقة هيزول وإن اي علاقه في اولها بتبقا مليانه بالسعاده والحب والفراشات اللي بترفرف فوق راسك أول ما بتشوفيه هتهدى وتروح

لكن فيه أسباب جديدة للحب هتتخلق في كل لحظة وكل مرحلة..

هيتخلق حب أهدى وأعقل ويدوم

هتحبيه من جديد مع كل لحظة تشوفيه بيجري علي إبنه يحضنه زي الطفل ومع فرحته لما يشتريله أول كوتشي بعد ما اتعلم المشي ومع حماسه اللي ميقلّش عن حماسك مع أول كلمة ينطقها مع جريه على الكاميرا عشان يلحق يصور أول ضحكة بصوت ..

من فتره شوفت واحده كاتبه بوست عباره عن سطر بس لخص أي حاجه ممكن تتقال : "أنا عاوزة بس لما أتجوز اولادي مايبقوش فرحانين علشان أبوهُم نزل."

فاتجوزي اللي ميزهقش منك ومن بهدلتك بالذات في مرحله الولادة ومن كل تفاصيلها اللي بتكون صعبه ..

واوعى تهملى تفاصيل صفة (الأبوة) وقت الإختيار مع أنها من أهم الصفات اللي هتحتاجيها بعد كدة..

وأنت كمان يوم ما تنوى تتجوز مش بالضروره تتجوز واحده مخرجتش من بيتها بالعكس بقا أتجوز البنت اللي خرجت من بيتها ولفت وشافت وفضلت علي مبدأها واحترامها لأهلها ولنفسها..

فيه Quote بتقول "لا تسمى الفتاة شريفة وهي حبيسة الدار ، اعطها حريتها وان امتنعت عن الحرام نالت الشرف.

متتخدعش فالمظاهر الكدابه ،أختار البنت علي طبيعتها عشان فى بيتك مش هتبقا كل يوم علي سنجه عشره هتلاقيها ايام مريضه وعندها هالات سودا تحت عنيها إختار ملامحها من غير ميكب اختارها بطريقه اكلها التلقائيه إختار الحقيقه اللى هتشوفها كل يوم .. لان فيه فرق بين إنك بتحب وأنك مُعجب .