قصة فاقد الحب(الجزء الخامس)
بقلم:عفاف غانم
وقالت اسمه احسان كمان؟
أيوة..
طب ليها أخوات
ولد واحد أكبر مني ومنها...
طب اديني تليفون أمها علشان أحدد يوم ليهم
حاضر ،وإداها الرقم
عمتا قبل كل حاجة هفتح الكلام مع عمك إحسان
بصلها وقاللها اللي تشوفيه ياأمي مع إنك كفاية عليا مش محتاجه جنبي أنتي كفاية...
لكن تحت أمرك إللي تشوفيه
راحت سعاد وفتحت إحسان في الكلام فضل يضحك قاللها ده ابنك كبر علي كدة وعاوز يتجوز
آه وفيها إيه؟
أناعارف تفكيرك وأوعي تفتكري إني مش بفهم أنتي عاوزه تجوزيه وتخلصي مني..
تقصد إيه ياإحسان؟
أقصد إنك بدال أنتي شوفتي عروسة لابنك وهتفرحي بيه هترميني وهكون ولاليا لازمة صح
حرام عليك أناكبرت وابني بقا علي وش جواز
قاللها شوفتي؟
مفيش جواز بقي ايه رأيك ولوعاوزاني أريحك من الرد أومتنحرجيش في الجواب قدامه فأنا إللي هقوله..
قالتله بلاش أبوس إيدك بلاش
طب مش أسمع الكلام ده تاني ويلا إجهزي عندنا شغل عالي الليلة
بلاش أناتعبانة النهاردة.
مفيش الكلام ده هيجيلنا سبوبة هتلغيها علشان المحروس كبر؟
بلاش الشقق أنا بخاف منها ومن الجيران إللي بيبصو ليا وأناطالعة بخاف يبلغوا عني في أي وقت...
قاللها أنتي بتروحي كزا مكان مش مكان واحد
عارفة والله وبخاف من كل مكان بروحه
طب هوأنا فين منا بأمنلك المكان وبخاف عليكي حتي الفنادق وكل حتة...
بصتله بإستعجاب علي الكلام
قاللها منا قولتلك الشغل يكون هنا وأنتي قولتي لا علشان ابني مع إني كنت هوزعه بعيد وكنتي بترفضي
أنت اتجننت؟عاوز مني إيه كفاية بقا
بقولك إيه ياتسمعي الكلام ياإما أجيب العريس يتفرج علي ماما وهي بتشتغل ويعرف بقا إيه هو الشغل
قالتله طب خد الفلوس إللي باقية من ميراث أبويا...
قاللها أنتي عبيطة الكام ألف دول اتبرعي بيهم مش ينفعوني
قالتله أنت أخدت من ورايا كتير قوي كل ده مش كفاية
قاللها الفلوس بتيجي ويتطير زي الهوا قالتله وهي بتبكي عمر الحرام ماينفع صدقني
قاللها ينفع معايا روحي بقا اتزوقي والبسي كفاية الوقت إللي ضاع في الكلام شغل الليلة علي مستوي عالي في عوامه...
إلي اللقاء في الجزء السادس
