نتصالح
بدري أبو خزيم
احنا كنا اتخاصمنا
عشان نتصالح
مش كنا مع بعض
امبارح
وكنا انا وانت
عايشين احلي
حاله
وقضينا مع بعض
اخر يوم فى السنه
وبالاماره
طبطبت عليه
وحضنتني
وعزمتني
علي اكله حلوه
وافتكرنا احلي ايام
قضيناها
انا وانت
ولا انسيت
لما قلتلي مش هيبقي
بينا فراق
وحبنا
وانا وانتي
ديما علي اتفاق
سهرنا مع بعض
وعلي النيل قزقزنا
لب
وبقينا زي العياال
بنجرى ورا بعض
امبارح بس اتولدت
احلي الاماني
والذكرى الحلوه
اللي عمرها ماهتعدي
جاي تقولى
نتصالح
مش كفايه انا وانت
متصالحين مع ايامنا
حتي كانوا ديما حاسدنا
تقولى نتصالح
دانا صالحت بيك سنيني
وايامي
وبيك حبيت دنيتي
حتي ناسها الوحشين
حبيتهم من حبي ليك
جاي تقولى
نتصالح
بيك اتصالحت مع نفسي
عشان كده
عمر الخصام
ماهيعرف طريقنا
ولا هيخبط
علي بابنا