غرفة القاهرة تشارك في المؤتمر الترويجي للمعرض الصيني الدولي..وتستعرض تطور العلاقات الاقتصادية بين البلدين

 

أسباب الطلاق 

بقلم ـ السيد عبد اللطيف حمودة

مين فينا بيقول شكرا من قلبه ؟!

عارفين معظم اسباب الطلاق الى بشوفها بين الناس بتكون دايما بسبب جمله واحده..

مافيش تقدير..

كام راجل بيرجع يطبطب ع كتف مراته ويقولها كتر خيرك ع تعبك بدل جمله هو انتى بتعملى ايه ياعنى..

كام ست بتقول لجوزها تسلم ايدك على فاكهه راجع بيها بيته ولا بقاله بدل ماتقوله الفاكهه مالها مفعصه كده ليه اضحك عليك..

البساطه والمسافات القريبه ماتعنيش اننا ننسى الذوق والكلمه الطيبه ، الكلمه الطيبه مش بس صدقه ديه سحر وفرحه ورضا وطبطبه..

الكلمه الطيبه حلوه ياناس ...حلوه اوى..

ومش عيب على فكره انك تقولى لابنك وجوزك شكرا..

ومش عيب انك تقول لمراتك وبنتك شكرا..

مش عيب انك تقول لموظف معاك شكرا..

قولوا شكرا وشوفوا السحر وهو بيحصل قدامكوا ..

جربوا هاتخسروا ايه....